Ey Muhammad, ularga: “Ey ahli kitob boʻlgan yahudiy va nasroniylar! Haqiqatga guvoh boʻla turib, nima uchun Allohning toʻg‘ri yoʻlini egri koʻrsatish maqsadida iymon keltirgan kishilarning yoʻlini toʻsasizlar. Bilib qoʻyinglar, Alloh qilayotgan ishlaringizdan bexabar emas”, – deb ayting.

Chunki ular dunyoda Allohning yoʻlidan toʻsadigan, haq yoʻlda egrilik istaydigan va oxiratga kufr keltiradigan kimsalar edilar.

Iymon keltirganlarni qoʻrqitib, ularni Allohning yoʻlidan toʻsish va haq yoʻldan qing‘irlik axtarish uchun koʻcha boshlarida oʻtirib olmanglar. Oldin ozchilik boʻlgan paytingizda sizlarni koʻpaytirgan Zotni yodga olinglar. Buzg‘unchilarning oqibati qanday boʻlganiga bir nazar solinglar.

U zolim kimsalarki odamlarni Allohning yoʻlidan toʻsadilar va uning qing‘ir boʻlishini istaydilar. Ular esa oxirat kunini inkor qiluvchilardir.

Chunki ular oʻtkinchi dunyo hayotini oxiratdan afzal deb biladilar va odamlarni Allohning yoʻlidan qaytaradilar hamda uni qing‘ir qilishni istaydilar.

Bandasi Muhammadga hikmat toʻla kitobni nozil qilgan Allohga hamd boʻlsin. Uni odamlarni shubha ostiga qoʻyadigan zarracha ziddiyat va egrilik qilmadi.

U yerda chuqurlik ham balandlik ham koʻrmaysiz.

U kunda barcha odamlar chorlovchi farishtalarga og‘ishmay soʻzsiz ergashadilar. Ovozlar ham Rahmon haybatidan kesiladi. Ularning faqat pichirlashini eshitasiz.

Biz uni qing‘ir boʻlmagan arabiy Qurʼon holida nozil qildik. Shoyad, ular Allohdan qoʻrqsalar.