Muso oʻz qavmiga qarata: “Alloh sizlarga bir sigirni soʻyishni amr qilmoqda”, – deganini eslanglar. Shunda Muso payg‘ambarning qavmi: “Nima, bizni mazax qilyapsanmi?!” – degandilar. Muso esa ularga javoban: “Johil kimsalardan boʻlib qolishimdan Allohdan panoh soʻrayman”, – deb aytgan edi.

Nihoyat vaqti kelib uni tuqqach hamda Alloh nima tuqqanini oʻzidan koʻra yaxshiroq biluvchi ekanini anglagani holda: “Ey Robbim, men oʻg‘il kutayotgan edim, uni qiz bola tug‘dim-ku!. Axir oʻg‘il bola qiz bola kabi emas. Darhaqiqat, men unga Maryam deb ism qoʻydim. Sendan unga va zurriyotiga badarg‘a qilingan shaytonning yomonligidan panoh berishingni soʻrayman”, – dedi.

Agarda koʻnglingizga shaytondan bir vasvasa kelib qadalsa, darhol Allohdan panoh tilang! Albatta, U hamma narsani eshitib turuvchi – Samiʼ va bilib turuvchi – Aʼlim Zotdir.

Nuh Robbisiga: “Ey Robbim, men Sendan oʻzimda u haqda ilm boʻlmagan narsalarni soʻrashimdan panoh tilayman. Agar meni mag‘firat qilmasang va menga rahm qilmasang, albatta, ziyon koʻruvchilardan boʻlib qolaman”, – dedi.

Yusuf yashaydigan uyida boʻlgan ayol undan jinsiy yaqinlik qilishni nafsi xohlab qoldi va eshiklarni berkitib: “Qani, kelaqol”, – dedi. Yusuf Zulayhoga: “Alloh saqlasin, axir, u ering menga turar joyimni yaxshilab bergan xojam-ku?! Zinokor boʻlgan zolimlar, hech qachon najot topmaydilar”, – dedi.

Yusuf ularga: “Narsamizni idishidan topib olgan kimsadan boshqani olib qolishdan Alloh saqlasin, u holda biz zolim kimsalardan boʻlib qolamiz”, – dedi.

Ey moʻmin banda, qachonki, Qurʼon oʻqisang, Allohdan quvilgan shaytonning vasvasasidan panoh soʻragin.

Maryam unga: “Men Rahmonga iltijo qilib, sendan panoh berishini soʻrayman. Agar Allohdan qoʻrquvchi boʻlsang, menga yaqinlashma”, – dedi.

Ey Rasulum: “Ey Robbim, men Sendan shaytonlarning vasvasalaridan panoh berishingni soʻrayman”, – deb ayting.

Ey Robbim, yana men Sendan, ular mening huzurimga kelishlaridan ham panoh soʻrayman”, – degin.

Shunda Muso: “Men Robbim va Robbingiz boʻlgan Allohdan hisob kuniga iymon keltirmaydigan barcha mutakabbirlarning yomonligidan panoh soʻrayman”, – dedi.

Albatta, Allohning oyatlari haqida oʻzlariga kelgan biror hujjatsiz tortishadigan kimsalarning koʻngillarida kibr bor. Ular oʻzlari orzu qilgan bu kibrlariga yetishuvchi emaslar. Bas, siz Allohdan panoh soʻrang. Albatta, U hamma narsani eshitib turuvchi – Samiʼ va boʻlayotgan ishlarni koʻrib turuvchi – Basir Zotdir.

Agar sizni shayton tomonidan vasvasa tutsa, u holda darhol Allohdan panoh soʻrang. Albatta, U hamma narsani eshitib turuvchi – Samiʼ va barchasini bilib turuvchi – Aʼlim Zotdir.

Men Robbim va Robbingizdan meni toshboʻron qilishlaringizdan panoh soʻradim.

Insdan boʻlgan ayrim kishilar jindan boʻlgan kimsalardan panoh tilashardi, Bas, insonlar u jinlarning yomonligini yanada ziyoda qildilar.

Ey Muhammad: “Tong Robbisidan panoh tilab iltijo qilaman”, – deb ayting.

Ey Muhammad: “Odamlar Robbisidan panoh tilab iltijo qilaman”, – deb ayting.