Albatta, bunda ibratlar bordir, lekin ularning koʻpchiligi iymon keltiruvchi boʻlmadilar.

Shubhasiz, U Robbingiz izzati ulug‘ – Aziz va marhamati keng boʻlgan – Rahim Zotdir.

Muso: “Ey Robbim boraman, faqat ular meni yolg‘onchi qilishlaridan qoʻrqaman”, – dedi.

Alloh Musoga: “Yoʻq, seni oʻldirmaydilar, bas, Horun bilan ikkovingiz moʻʼjizalarimiz bilan boringlar. Albatta, Biz sizlar bilan birga suhbatingizni eshitib turuvchimiz.

Bas, ikkovingiz firʼavnga borib: “Haqiqatan, biz olamlar Robbisining elchisimiz”, – deb aytinglar.

Muso unga: “Agar ishonadigan boʻlsangiz, U osmonlar va Yerning hamda ularning orasidagi barcha narsalarning Robbisidir”, – dedi.

Firʼavn: “Sizlarga yuborilgan bu payg‘ambaringiz, aniq, telbadir”, – dedi.

Muso ularga: “Agar aql ishlata olsangiz, U mashriq va mag‘rib hamda ularning oʻrtasidagi narsalarning ham Robbisidir”, – dedi.

Firʼavn Musoga: “Qasam boʻlsinki, agar mendan boshqani iloh qilib oladigan boʻlsang, albatta, men seni zindonbandlardan qilaman”, – dedi.

Firʼavn unga: “Xoʻsh, agar rostgoʻylardan boʻlsang, oʻsha moʻʼjizangni keltir-chi?!” – dedi.

Firʼavn atrofidagi zodagonlarga: “Chindan ham, bu Muso bilimdon sehrgardir”, – dedi.

Toʻplangan odamlar: “Agar sehrgarlar g‘olib chiqsa, balki biz ularga ergasharmiz”, – dedilar.

Sehrgarlar belgilangan joyga kelganlarida firʼavnga: “Agar albatta, biz g‘olib chiqsak, bizlar uchun bir mukofot bormi?” – dedilar.

Sehrgarlar belgilangan joyga kelganlarida firʼavnga: “Agar albatta, biz g‘olib chiqsak, bizlar uchun bir mukofot bormi?” – dedilar.

Firʼavn ularga: “Ha, agar shunday boʻlsa, albatta, sizlar mening yaqinlarimdan boʻlasizlar”, – dedi.

Bas, ular arqon va hassalarini yerga tashladilar. Hamda: “Firʼavnning izzatiga qasam boʻlsinki, albatta, biz g‘olib boʻluvchilarmiz”, – dedilar.

Firʼavn g‘azablanib: “Hali men sizlarga ruxsat bermasimdan oldin unga iymon keltirdinglarmi?! Albatta, u Muso sizlarga sehr oʻrgatgan kattangizdir. Bas, yaqinda bilasizlar. Ont ichamanki, qoʻl-oyoqlaringizni chappasiga kesib tashlayman, keyin barchangizni olomon oldida osib qoʻyaman”, – dedi.

Sehrgarlar: “Mayli zarari yoʻq. Zero, biz Robbimizga qaytuvchimiz”, – dedilar.

Biz Musoga iymon keltirganlarning birinchisi boʻlganimiz uchun, Robbimiz bizning gunohlarimizni mag‘firat etishiga umid qilamiz.

Biz Musoga: “Bandalarim bilan tunda yoʻlga chiq. Albatta, sizlar firʼavn tomonidan taʼqib qilinuvchilarsiz”, – deb vahiy qildik.