ث ر ب

تَثْرِيب Гуноҳ сабабли койиш ва айбини иқрор қилишга мажбурлашдир. Аллоҳ буюради: قَالَ لاَ تَثْرَيبَ عَلَيْكُمُ الْيَوْمَ Деди: Бу кун сизларга айблаш йўқ (12/Юсуф 92). Ривоят қилинадики, Пайғамбар: إِذَا زَنَتْ أَمَةُ أَحَدِكُمْ فَلْيُجَلِّدْهَا وَلاَ يُثْرِبْهَا Бирингизнинг чўриси зино қилса, унга ҳад жазосини қўлласин, аммо уни айбламасин.
Араб адабиётида бу ўзакдан юпқа ёғ маъносини англатувчи ثَرْب сўзидан бошқаси учрамайди. Аллоҳ таолонинг: يَا أَهْلَ يَثْرِبَ Эй Ясриб аҳли, (33/Аҳзоб 13) оятида келган أَهْلُ يَثْرِب эса, Мадина аҳли деганидир ва аслининг шу ўзакдан келиб чиқиши тўғри саналиши мумкин. Бу ҳолда Ясрибнинг бошидаги “ё” ҳарфи зиёда деб ҳисобланади.