Албатта, бунда ибратлар бордир, лекин уларнинг кўпчилиги иймон келтирувчи бўлмадилар.

Шубҳасиз, У Роббингиз иззати улуғ – Азиз ва марҳамати кенг бўлган – Раҳим Зотдир.

Мусо: “Эй Роббим бораман, фақат улар мени ёлғончи қилишларидан қўрқаман”, – деди.

Аллоҳ Мусога: “Йўқ, сени ўлдирмайдилар, бас, Ҳорун билан икковингиз мўъжизаларимиз билан боринглар. Албатта, Биз сизлар билан бирга суҳбатингизни эшитиб турувчимиз.

Бас, икковингиз фиръавнга бориб: “Ҳақиқатан, биз оламлар Роббисининг элчисимиз”, – деб айтинглар.

Мусо унга: “Агар ишонадиган бўлсангиз, У осмонлар ва Ернинг ҳамда уларнинг орасидаги барча нарсаларнинг Роббисидир”, – деди.

Фиръавн: “Сизларга юборилган бу пайғамбарингиз, аниқ, телбадир”, – деди.

Мусо уларга: “Агар ақл ишлата олсангиз, У машриқ ва мағриб ҳамда уларнинг ўртасидаги нарсаларнинг ҳам Роббисидир”, – деди.

Фиръавн Мусога: “Қасам бўлсинки, агар мендан бошқани илоҳ қилиб оладиган бўлсанг, албатта, мен сени зиндонбандлардан қиламан”, – деди.

Фиръавн унга: “Хўш, агар ростгўйлардан бўлсанг, ўша мўъжизангни келтир-чи?!” – деди.

Фиръавн атрофидаги зодагонларга: “Чиндан ҳам, бу Мусо билимдон сеҳргардир”, – деди.

Тўпланган одамлар: “Агар сеҳргарлар ғолиб чиқса, балки биз уларга эргашармиз”, – дедилар.

Сеҳргарлар белгиланган жойга келганларида фиръавнга: “Агар албатта, биз ғолиб чиқсак, бизлар учун бир мукофот борми?” – дедилар.

Сеҳргарлар белгиланган жойга келганларида фиръавнга: “Агар албатта, биз ғолиб чиқсак, бизлар учун бир мукофот борми?” – дедилар.

Фиръавн уларга: “Ҳа, агар шундай бўлса, албатта, сизлар менинг яқинларимдан бўласизлар”, – деди.

Бас, улар арқон ва ҳассаларини ерга ташладилар. Ҳамда: “Фиръавннинг иззатига қасам бўлсинки, албатта, биз ғолиб бўлувчилармиз”, – дедилар.

Фиръавн ғазабланиб: “Ҳали мен сизларга рухсат бермасимдан олдин унга иймон келтирдингларми?! Албатта, у Мусо сизларга сеҳр ўргатган каттангиздир. Бас, яқинда биласизлар. Онт ичаманки, қўл-оёқларингизни чаппасига кесиб ташлайман, кейин барчангизни оломон олдида осиб қўяман”, – деди.

Сеҳргарлар: “Майли зарари йўқ. Зеро, биз Роббимизга қайтувчимиз”, – дедилар.

Биз Мусога иймон келтирганларнинг биринчиси бўлганимиз учун, Роббимиз бизнинг гуноҳларимизни мағфират этишига умид қиламиз.

Биз Мусога: “Бандаларим билан тунда йўлга чиқ. Албатта, сизлар фиръавн томонидан таъқиб қилинувчиларсиз”, – деб ваҳий қилдик.