كَأَنَّ масдар-ўзаги оятлари (таржима)

МАСДАР-ЎЗАК ОЯТЛАРИ

Сиз қидирган كَأَنَّ масдар-ўзагидан ҳосил бўлган 29 та оят мавжуд.

go'yo kabi, go'yo kabidir, kabi bo'ladi, kabi, go'yo sen, kabidir, go'yo (kabidir), xuddi (shunday), go'yo, ular kabi (juftdir)

Қуйида ўша оятлар арабча матни ва ўзбекча таржимаси билан келтирилган.

تَنْزِعُ النَّاسَ كَأَنَّهُمْ أَعْجَازُ نَخْلٍ مُنْقَعِرٍ

Бўрон одамларни худди қўпорилган хурмо дарахти таналаридек суғуриб кетар эди.

كَأَنَّهُنَّ الْيَاقُوتُ وَالْمَرْجَانُ

Уларнинг баданлари гўёки ёқут ва маржондир.

إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُمْ بُنْيَانٌ مَرْصُوصٌ

Албатта, Аллоҳ Ўзининг йўлида худди жипслашган бинолардек саф тортиб, жанг қиладиган кимсаларни севади.

وَإِذَا رَأَيْتَهُمْ تُعْجِبُكَ أَجْسَامُهُمْ ۖ وَإِنْ يَقُولُوا تَسْمَعْ لِقَوْلِهِمْ ۖ كَأَنَّهُمْ خُشُبٌ مُسَنَّدَةٌ ۖ يَحْسَبُونَ كُلَّ صَيْحَةٍ عَلَيْهِمْ ۚ هُمُ الْعَدُوُّ فَاحْذَرْهُمْ ۚ قَاتَلَهُمُ اللَّهُ ۖ أَنَّىٰ يُؤْفَكُونَ

Агарда уларни кўрсангиз, жисмлари сизни ажаблантиради, сўзлаганларида эса сўзларига беихтиёр қулоқ соласиз. Улар гўё деворга суяб қўйилган чирик ёғочларга ўхшайдилар. Улар ҳар бир қичқириқ овозни устиларига тушаётган бало ва офат деб гумон қиладилар. Улар мўминларга душмандирлар. Бас, улардан эҳтиёт бўлинг! Аллоҳ уларни лаънатласин! Ўзи қаёққа оғиб кетмоқдалар?!

سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَىٰ كَأَنَّهُمْ أَعْجَازُ نَخْلٍ خَاوِيَةٍ

У бўронни Аллоҳ уларнинг устига кетма-кет етти кеча ва саккиз кундуз хизматкор қилиб қўйди. Бас, қавмнинг у ерда ағдарилиб ётганини кўрар эдингиз. Улар худди хурмонинг чириб ичи бўшаб қолган ходаларига ўхшар эдилар.

يَوْمَ يَخْرُجُونَ مِنَ الْأَجْدَاثِ سِرَاعًا كَأَنَّهُمْ إِلَىٰ نُصُبٍ يُوفِضُونَ

У кунда улар худди ўзлари сиғинадиган бутларга қараб югураётгандек гўрларидан шошиб чиқадилар.

كَأَنَّهُمْ حُمُرٌ مُسْتَنْفِرَةٌ

Худди чўчиган эшакларга ўхшаб.

كَأَنَّهُ جِمَالَتٌ صُفْرٌ

Улар худди сариқ туяларга ўхшайди.

كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا

Улар у қиёматни кўрган кунда бу дунёда худди бир оқшом ёки чошгоҳ пайтичалик тургандек бўладилар.