Аллоҳ куфр келтирган кимсалар ҳақида Нуҳ пайғамбарнинг хотини ва Лут пайғамбарнинг хотинини мисол келтирди. У икки аёл ҳам Бизнинг бандаларимиздан икки солиҳ банданинг қўл остида эдилар. Бас, у аёллар уларга хиёнат қилдилар. Нуҳ ва Лут Аллоҳнинг азобидан бирор нарсани у иккисидан қайтара олмадилар. Уларга: “Дўзахга кирувчилар билан бирга унга киринглар!” – дейилди.

Ойни улар ичида нур қилиб, қуёшни эса чироқ қилиб қўйди.

Улар ўз хатолари туфайли ғарқ қилиниб, сув балосидан сўнг яна оловга киритилдилар. Бас, ўзларига Аллоҳдан ўзга ёрдам берувчиларни топмадилар.

Мен фақат Аллоҳ томонидан етказишга ва Унинг элчилик вазифаларига эгаман. Кимки Аллоҳ ва Унинг пайғамабарига осийлик қилса, бас, албатта, унга жаҳаннам олови бордирки, улар ўша жойда мангу қоладилар.

Биз дўзах соҳибларини қўриқчи қилиб, фақат фаришталардан қилдик ва Биз фақат куфрга кетган кимсаларни синаш учун уларнинг саноғини ўн тўққизта қилдик. Токи китоб берилган кимсалар аниқ билсинлар ва иймон келтирган кимсаларнинг иймонлари янада зиёда бўлсин ҳамда китоб берилган кимсалар ҳам, мўминлар ҳам бу хусусда шак-шубҳа қилмасинлар. Яна дилларида мунофиқлик иллати бўлган кимсалар ва кофирлар: “Бу мисол билан Аллоҳ нима демоқчи?” – дейишлари учун шундай қилдик. Аллоҳ Ўзи хоҳлаган кимсаларни мана шундай йўлдан оздириб қўяди ва Ўзи хоҳлаган кишиларни тўғри йўлга ҳидоят қилади. Роббингизнинг қўшинлари бўлган фаришталарнинг адади ва сифатини ёлғиз Унинг Ўзи билади. У жаҳаннам инсоният учун бир эслатмадир.

Қайсики, у ёқилғили кўп олов эди.

У катта ўтга кириб куяди.

Улар ўта қизиган ўтга кириб, куядилар.

Уларнинг устиларида қоплаб турган олов бордир.

Сизларни ловуллаб ёнувчи дўзах ҳақида огоҳлантирдим.

Албатта, аҳли китоб ва мушриклардан бўлган куфр келтирган кимсалар жаҳаннам оташида бўлиб, ўша жойда мангу қоладилар. Ана ўшалар халойиқнинг энг ёмонидирлар.

У дўзахдаги қаттиқ қизиган оловдир.

У ёқиб қўйилган Аллоҳнинг бир оловидир.

У яқинда алангали ўтга кириб, куяди.