هَارُوتَ

Бу калима ҳақида Аллоҳ буюради: وَمَا أُنْزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ Бобилда икки фариштага: Ҳорут ва Морутга туширилган нарсаларни ўргатар эдилар (2/Бақара 102).
Дейиладики, бу оятда келган هَارُوت ва مَارُوت калималари икки фариштадир. Баъзи муфассирлар эса: булар инсонлардан ёки жинлардан бўлган икки шайтоннинг исмларидир, деб айтадилар; уларнинг мансуб ҳолда ўқилишининг сабаби وَلَكِنَّ الشَّيَاطِينَ иборасидан бадал бўлганлигидандир. Бу бир қисмнинг бутун ўрнида ишлатилган бадал турларидандир. اَلْقَوْمُ قَالُوا إِنَّ كَذَا زَيْدٌ وَعَمْرٌو Жамоат деди: Шубҳасиз, бу иккиси Зайд ва Амрдир, деган сўзи каби.
هَرْت калимаси — лунж кенглиги деганидир. Бу маънода فَرَسٌ هَرِيتُ الشِّدْقِ дейилади. Яъни лунжи кенг от. Бунинг асли ҳам هَرِتَ ثَوْبَهُ иборасидан олинган бўлиб, кийимини йиртди, парчалади деганидир.
هَرِيت калимаси эса бокираси бузилган аёл деганидир.