Дўзах фаришталарига: “У гуноҳкорни тутиб дўзахнинг ўртасига судраб олиб боринглар”, – дейилади.

Қачонки, оятларимиздан бирор нарсани билиб олса, уни масхара қилади. Ана ўшаларга хорловчи азоб бордир.

Уларнинг ортида жаҳаннам бор! Касб қилиб топган бойлик ва фарзандлари ҳам, Аллоҳдан бошқа тутган дўстлари ҳам уларга бирор нарсада асқотмайди. Уларга улкан азоб бордир.

Эй Муҳаммад, ҳавойи нафсини ўзига илоҳ қилиб олган ва Аллоҳ уни билиб туриб адаштирган, қулоқ ва кўнглини муҳрлаб, кўзига парда тортиб қўйган кимсани кўрдингизми? Бас, уни Аллоҳ йўлдан адаштирганидан кейин ким ҳидоят қила олади?! Ахир, эслатма олмайсизларми?!

Бундай бўлишингиз, албатта, сиз Аллоҳнинг оятларини эрмак қилганингиз ва сизни дунё ҳаёти алдаб қўйгани учундир. Бас, улар бугун бу дўзахдан чиқарилмайдилар ва уларга яхши амалларга қайтиш учун имконият ҳам берилмайди.

Қани энди, Аллоҳни қўйиб, У Зотга яқинлаштирувчи деб тутган сохта илоҳлари ҳалокатдан қутулишлари учун уларга ёрдам берсалар бўлмайди-ми!? Йўқ, улар кўздан ғойиб бўлиб қолдилар. Ана бу уларнинг уйдирма ҳамда тўқиб олган нарсаларидир.

Ҳали сизлар Хайбар жангидаги ўлжаларни олиш учун кетаётган вақтингизда жангга чиқмай уйда қолган кимсалар: “Бизларга ҳам ўлжа олиш учун сизларга эргашишимизга йўл қўйинглар”, – дейдилар. Улар Аллоҳнинг каломини ўзгартирмоқчи бўладилар. Эй Муҳаммад уларга: “Асло бизларга эргашмайсизлар. Аллоҳ аввал сизга буни айтган”, – деб айтинг. Бас, улар: “Балки, бизларга ҳасад қилаётгандирсизлар”, – дейдилар. Йўқ, улар жуда оз фаҳмлайдилар.

Мусулмонларни оладиган кўплаб ўлжалар билан ҳам мукофотлади. Аллоҳ иззати улуғ – Азиз ва ҳикмат эгаси бўлган – Ҳаким Зотдир.

Эй мўминлар, Аллоҳ сизларга ўзингиз оладиган кўпгина ўлжаларни ваъда қилди. Мана бу Хайбар жангидаги ўлжаларни эса тезлатиб берди ва душман одамларнинг қўлларини сизларга зиён беришдан тўсиб қўйди. Бўлиб ўтган воқеалар мўминларга ибрат бўлиши ва Аллоҳ сизларни тўғри йўлга ҳидоят қилиши учундур.

Роббилари уларга ато этган нарсаларни олган ҳолларида бўладилар. Зеро, улар бундан илгари дунёда яхши ишларни қилувчи эдилар.

Бас, Биз уни ҳам, аскарларини ҳам ушлаб, уларни денгизга отдик. У ўзининг кибру ҳавоси ва куфру исёни сабабли ҳар қандай маломатга лойиқдир.

Бас, улар Роббиларининг амридан бош тортишгач, қараб турган ҳолларида уларни даҳшатли чақмоқ урди.

Улар мўъжизаларимизни инкор қилганларидан сўнг, Биз уларни кучли ва қудратли Зотнинг ушлаши билан ушлаб денгизга ғарқ қилдик.

Улар мўъжизаларимизни инкор қилганларидан сўнг, Биз уларни кучли ва қудратли Зотнинг ушлаши билан ушлаб денгизга ғарқ қилдик.

Чунки жиноятчи кимсалар сиймоларидан билиниб, пешона сочи ва оёқларидан тутиладилар ва жаҳаннамга ташланадилар.

Агар сизлар иймон келтирувчи бўлсангиз – ҳолбуки, пайғамбар сизларни Роббингизга иймон келтиришга чақириб турибди, аҳду паймонингизни олгач, нима учун сизлар Аллоҳга иймон келтирмаяпсизлар?!

Мана бугун сиз мунофиқлардан ҳам, куфр келтирганлардан ҳам азобдан қутулишларингиз учун тўлов олинмайди. Жойларингиз дўзахдир! У сизларнинг муносиб жойингиздир! У қандай ҳам ёмон борар жой!

Улар ўзларининг ёлғон қасамларини қалқон қилиб олиб, одамларни Аллоҳнинг йўлидан тўсдилар. Бас, улар учун хор қилувчи азоб бордир.

Аллоҳ қишлоқ ва шаҳарларнинг кофир аҳолисидан пайғамбарига ўлжа қилиб берган нарсалар – токи сизлардан бой-бадавлат кишилар ўртасидагина қўлма-қўл бўлиб юраверадиган нарса бўлиб қолмаслиги учун – Аллоҳга, Пайғамбарга ва у зотнинг қариндошлари, етимлар, мискинлар ва мусофирларга тегишлидир. Пайғамбар сизларга нимани келтирган бўлса олинглар, сизларни нимадан қайтарган бўлса ундан қайтинглар ва Аллоҳдан қўрқинглар! Албатта, Аллоҳ жазоси қаттиқ Зотдир.

Эй иймон келтирганлар, Менинг душманим ва сизларнинг душманингиз бўлган мушрикларни дўст тутманглар! Сизлар уларга дўстлик ҳақида хабар юборасизлар, ҳолбуки, улар сизларга келган ҳақ динни инкор қилганлар. Улар пайғамбарнинг ва сизларнинг Роббингиз бўлган Аллоҳга иймон келтирганларингиз учун ўз юртларингиздан ҳайдаб чиқармоқдалар. Агар сизлар Менинг йўлимда жиҳод қилиш ва розилигимни исташ учун чиққан бўлсангиз уларни дўст тутманглар! Сизлар уларга пинҳона дўстлик қилмоқдасизлар. Ҳолбуки, Мен сизлар беркитган ва ошкор қилган нарсани яхши билувчиман. Сизлардан кимки шу ишни қилса, бас, аниқки, у тўғри йўлдан озибди.