Дарҳақиқат, фиръавн Миср ерида туғёнга кетиб, унинг аҳолисини бўлиб ташлади. Улардан бани Исроил авлоди гуруҳини хорлаб, ўғилларини қатл қилар, аёлларини бузуқ ниятда фойдаланиш учун ўлдирмай тирик қўяр эди. Албатта, у бузғунчилардан эди.

Роббингиз хоҳлаган нарсани яратади ва хоҳлаган ишни танлайди. Уларда ихтиёр йўқдир! Аллоҳ уларнинг ширк келтираётган нарсаларидан пок ва олийдир!

Биз ўша охират диёрини ер юзида кибр ва бузғунчилик қилишни истамайдиган кишилар учун яратамиз. Оқибат эса, тақводор кимсаларникидир!

У илк бор борлиқни яратиб, сўнгра қиёмат куни Ўзи уни яна қайта яратадиган Зотдир. У Зотга буларни қилиш жуда осондир. Осмонлар ва Ердаги энг олий сифат Уникидир. У иззати улуғ – Азиз ва ҳикмат эгаси бўлган – Ҳаким Зотдир.

Аллоҳ аввал сизларни яратган, сўнгра сизларни турли неъматлар билан ризқлантирган, сўнгра ажалингиз етгач вафот эттирадиган, кейин қиёматда яна қайта тирилтирадиган Зотдир! Сизлар сиғинаётган шерикларингиз ичида булардан бирортасини қила оладигани бор-ми?! Аллоҳ уларнинг келтираётган ширкларидан пок ва олийдир.

Бунинг боиси Аллоҳнинг Ўзигина ҳақ илоҳ экани, мушрикларнинг Ундан бошқага илтижо қилаётган бутлари эса ботил нарса экани ва Аллоҳнинг Ўзигина энг юксак ва олий Зот эканидир.

Эй Пайғамбар, жуфтларингизга: “Агар сизлар дунё ҳаётини ва унинг зебу зийнатларини истайдиган бўлсангизлар, у ҳолда келинглар, мен сизларни ўша нарсалар билан баҳраманд қилай ва яхшиликча жавоб бериб, қўйиб юборай”, – деб айтинг.

Аллоҳ ҳузурида фақат Ўзи изн берган кишиларнинг шафоатигина фойда беради. Қачонки, уларга изн берилиб, қалбларидан қўрқув кетказилгач, бир-бирларига: “Роббингиз изн учун нима деди?” – дейдилар. Уларга: “Ҳақни айтди ва шафоатга изн берди. У барчадан олий ва улуғ Зотдир”, – деб жавоб айтадилар.

Шайтонлар энг олий мавжудотлар бўлган фаришталарнинг сўзларини эшита олмайдилар, у ердан қувилиш учун ҳар томондан юлдузлар билан отиладилар.

Менда улар баҳслашаётган фаришталардан бўлган олий гуруҳ ҳақида ҳеч қандай билим бўлмаган эди.

Шунда Аллоҳ унга: “Эй иблис, қудрат қўлим билан яратган нарсага сажда қилишингдан сени нима ман қилди?! Кибр қилдингми ёки сен Одамга кўра олий зотлардан бўлдингми?!” – деди.

Улар Аллоҳни Ўзига лойиқ тарзда қадрламадилар. Қиёмат кунида бутун Ер юзи Унинг сиқимидадир. Осмонлар ҳам Унинг қудрат қўлига йиғилувчидир. У Зот улар ширк келтираётган нарсалардан пок ва олийдир.

Бу азоблар сизларни ёлғиз Аллоҳга ибодат қилишга даъват қилинганда куфр келтирганингиз, агар Унга ширк келтирилса, ишонганингиз туфайлидир. Бас, барча ҳукм олий ва улуғ Аллоҳникидир.

Осмонлар ва Ердаги барча нарсалар Уникидир. У олий ва буюкдир.

Аллоҳ инсонга бевосита сўзлаши мумкин эмас. Фақат ваҳий орқали ё парда ортидан ёки фаришталарни элчи қилиб юбориб гапиради. Ўз изни билан хоҳлаган нарсани ваҳий қилади. Албатта, У шаъни улуғ – Алий ва ҳикмат эгаси бўлган – Ҳаким Зотдир.

Дарҳақиқат, ушбу Қуръон даргоҳимиздаги она китобдадир. Унинг қадри олий мартабали ва ҳикматлидир.

Аллоҳга кибр қилманглар. Мен сизларга пайғамбар эканлигимга доир аниқ ҳужжат келтираман.

Уларни фиръавннинг зулмидан халос қилдик. У, ҳақиқатан, мутакаббир ва ҳаддан ошувчилардан эди.

Бас, эй мўминлар, жанг майдонида сусткашлик қилманглар ва ўзингиз устун бўла туриб уларни сулҳга чорламанглар. Аллоҳ сизлар билан биргадир ва У қилган амалларингиз мукофотини асло камайтирмайди.

У аввал олий уфқда эди.