У сизларга қуруқлик ва денгиз қоронғиликларида адашмай йўл топишингиз учун юлдузларни яратган Зотдир. Ҳақиқатан, биладиган қавмлар учун оятларни батафсил баён қилиб бердик.

Шубҳасиз, Роббингиз Аллоҳ кўкларни ва Ерни олти кунда яратган кейин Арш узра ҳукмрон бўлган Зотдир. Аллоҳ кундузга кечани киритиб қоплайди. Кеча шитоб билан кундузни қувлаб юради. Ҳамда қуёш, ой ва юлдузларни амрига тобе ҳолда яратган Зотдир. Огоҳ бўлинглар, яратиш ва амр қилиш, фақат Унга хосдир. Оламларнинг Роббиси бўлган Аллоҳ энг улуғдир.

Аллоҳ сизларга сўнгра у бекам-кўст ҳаёт кечиришингиз учун кеча ва кундузни, қуёш ва ойни бўйсундириб қўйди. Юлдузлар ҳам Унинг амрига бўйсунгандирлар. Албатта, буларда ақл ишлатадиган қавмлар учун ибратли белгилар бордир.

Аллоҳ ўз йўлингизни белгилашингиз мумкин бўлган яна бошқа кўплаб аломатлар ҳам яратди. Улар кечалари денгизда ёки чўлда юлдузлар билан йўл топадилар.

Эй Расулим, осмонлардаги ва Ердаги бор жонзот, қуёш, ой, юлдузлар, тоғлар, дарахтлар ва барча жониворлар ҳамда инсонларнинг кўпчилиги ёлғиз Аллоҳга сажда қилаётганини кўрмадингизми? Одамларнинг кўпчилигига эса куфр келтирганлари учун азоб ҳақ бўлган эди. Аллоҳ кимни хор қилса, бас, уни азиз қилувчи йўқдир. Албатта, Аллоҳ нимани хоҳласа ўшани қилади.

Кейин у юлдузларга бир назар солди.

Шунингдек, кечадан бир вақт ажратиб ва юлдузлар ботгач, саҳарда ҳам Унга тасбеҳ айтинг.

Ботаётган юлдузга қасам бўлсин.

Ўт-ўлан ҳам дарахтлар ҳам Аллоҳга сажда қиладилар.

Юлдузларнинг манзиллари билан қасамёд қиламан.

Бас, қачонки, юлдузларнинг нурлари сўндирилса,

Юлдузлар ҳам ўз фалакларидан тўкилганда,

У нури ўткир юлдуздир.