ل و ن

لَوْن сўзи биз биладиган ранг деганидир. Асосан у оқ ва қора ҳамда улардан ҳосил бўлган рангларга асосланади. Шу маънода ишлатиладиган تَلَوَّنَ рангланди феъли бирор нарса аввалги рангидан бошқа рангга кирганда айтилади. Аллоҳ таоло бу маънода шундай буюради: فَأَخْرَجْنَا بِهِ ثَمَرَاتٍ مُخْتَلِفًا أَلْوَانُهَا وَمِنَ الْجِبَالِ جُدَدٌ بِيضٌ وَحُمْرٌ مُخْتَلِفٌ أَلْوَانُهَا وَغَرَابِيبُ سُودٌ Биз у билан ранглари турли хил меваларни чиқардик. Тоғларда эса оқ, қизил, хилма-хил рангдаги йўллар ва тим қора тупроқлар бор (35/Фотир 27); وَاخْتِلَافُ أَلْسِنَتِكُمْ وَأَلْوَانِكُمْ тилларингиз ва рангларингизнинг турли бўлиши ҳам, (30/Рум 22).
Бу оят рангларнинг хилма-хиллигига ва ҳар бирининг ўзига хос тарзда пайдо бўлишига ишорадир. Улар шунчалик кўп бўлишига қарамай, бирор кишининг қолипи бошқасиникига ўхшамайди, бирор кишининг сиймоси бошқасиникига айнан ўхшаш эмас. Бу эса Аллоҳ таоло нақадар буюк қудрат соҳиби эканлигига эътиборни қаратади.
Баъзан жинслар ва турлар ҳам ранглар сўзи билан ифодаланади. Шу боғлиқликда айтиладиган فُلاَنٌ أَتَى بِاْلأَلْوَانِ مِنَ اْلأَحَادِيثِ Фалон одам турли гапларни гапирди, ҳамда تَنَاوَلَ كَذَا أَلْوَانًا مِنَ الطَّعَامِ Шунча хилдаги таомдан олди (еди) деган иборалар каби.