ص و ف

وَاللَّهُ جَعَلَ لَكُمْ وَمِنْ أَصْوَافِهَا وَأَوْبَارِهَا وَأَشْعَارِهَا أَثَاثًا وَمَتَاعًا إِلَى حِينٍ : Аллоҳ, ...ҳайвонларнинг жунларидан, тукларидан ва қилларидан яшаш муддатингиз тугагунга қадар фойдалана оладиган турли хил кийим-кечак ва рўзғор ашёларини ясашингизни муяссар этди (16/Наҳл 80). أَخَذَ بِصُوفَةِ قَفَاهُ : Унинг энсасида ўсиб чиққан сочидан ушлади. كَبْشٌ صَافٍ وَأَصْوَفُ وَصَائِفٌ : Жуни жуда кўп қўчқор. صُوفَة : Каъба хизматида бўлган бир жамоанинг номи эди. Жун ўзи ўсиб чиққан жойга ёпишгани каби, улар ҳам Каъбага маҳкам ёпишиб олганлари сабабли шундай номланганлари айтилган. صُوفَان : Сариқ рангли бир ўсимликнинг номидир.
صُوفِيّ : Баъзиларга кўра, киши кийган жун кийимга; баъзиларга кўра эса, ибодат билан машғул бўлганлари сабабли Каъбага хизмат қилган صُوفَة жамоасига мансубдир. Баъзиларга кўра эса, бу ном бир ўсимлик бўлган صُوفَان сўзига мансубдир. Чунки сўфийлар, худди ўша ўсимлик озиқланишда кам эҳтиёж сезгани каби, таом бобида тежамкорлик қиладилар ва оз ейдилар.