Сиз қидирган ط و ف масдар-ўзагидан ҳосил бўлган 41 та оят мавжуд.
tavof qiluvchilar uchun, tavof qilishida, bir guruh, ikki toifa, bir qismingizni, va bir qismingiz ham, bir qismi, bir bo'lak, bo'lak, ikki jamoa
Қуйида ўша оятлар арабча матни ва ўзбекча таржимаси билан келтирилган.
Мўминларнинг ҳаммаси ёппасига жангга чиқишлари шарт эмас. Кошки, ҳар бир гуруҳдан бир нафар тоифа бўлса-ю, сафарга чиқмай динни чуқур ўргансалар ва қавмларига жангдан қайтиб келган вақтларида уларга панд-насиҳат қилиб огоҳлантирсалар.
Эй Муҳаммад, Биз Иброҳимга Байтуллоҳнинг ўрнини белгилаб бериб: “Менга ҳеч нарсани шерик қилма ва Менинг уйимни тавоф қилувчилар, намозда қоим турувчилар, руку ва сажда қилувчилар учун поклагин”, деганимизни эсланг.
Қурбонлик қилганларидан кейин эҳромдан чиқиб, соч олдириб, тоза либосларини кийиб кирларини кетказсинлар. Назрларини адо қилсинлар ва “қадимги уй” бўлган Каъбани тавоф қилсинлар.
Зинокор аёл ва зинокор эркакнинг ҳар бирига юз дарра уринглар. Агар Аллоҳга ва охират кунига иймон келтирувчи бўлсангизлар, Аллоҳнинг динидаги ҳукмларни бажаришда сизларни у иккисига нисбатан раҳм-шафқат қилиш туйғулари тутмасин. Шунингдек, уларнинг жазоланишида мўминлардан бир гуруҳ шоҳид бўлсинлар.
Эй мўминлар, қўл остингиздаги қул ва чўриларингиз ҳамда балоғатга етмаган фарзандларингиз бир кунда уч марта ҳузурингизга киришда сизлардан рухсат сўрасинлар. Бу вақтлар, бомдод намозидан олдин, пешин вақтида иссиқдан кийимларингизни ечган пайтингиз ва хуфтон намозидан кейиндир. Бу уч вақт сизларнинг авратларингиз очиқ бўлиши мумкин бўлган вақтлардир. Улар ўша вақтлардан сўнг изн сўрамай кирсалар, сизларга ҳам, уларга ҳам гуноҳ йўқдир. Чунки сизлар бир-бирингизнинг атрофингизда айланиб юрувчисизлар. Аллоҳ сизларга оятларни мана шундай баён қилади. Албатта, Аллоҳ ҳамма нарсани билиб турувчи – Аълим ва ҳикмат эгаси бўлган – Ҳаким Зотдир.
Дарҳақиқат, фиръавн Миср ерида туғёнга кетиб, унинг аҳолисини бўлиб ташлади. Улардан бани Исроил авлоди гуруҳини хорлаб, ўғилларини қатл қилар, аёлларини бузуқ ниятда фойдаланиш учун ўлдирмай тирик қўяр эди. Албатта, у бузғунчилардан эди.
Биз Нуҳни ўз қавмига пайғамбар қилиб юбордик. Бас, Нуҳ уларнинг орасида эллик йили кам минг йил турди. Бас, иймон келтирмадилар ва уларни золим бўлган ҳолларида тўфон балоси тутди.
Ўшанда улардан бир тоифаси: “Эй Ясриб аҳли, сизлар учун бу қадар кучли ёвга қарши туриш имкони йўқдир, бас, ўз орқангизга қайтиб кетинглар”, – деди. Улардан яна бир гуруҳи эса: “Уйларимиз очиқ-сочиқ қолди”, – деб Пайғамбардан рухсат сўрадилар. Ҳолбуки, уларнинг уйлари очиқ-сочиқ эмас эди. Улар фақат жанг майдонидан қочишни хоҳлардилар.
Уларга оқар чашмадан қадаҳлар айлантирилиб турилади.
Уларга олтиндан бўлган лаганларда егуликлар ва қадаҳларда шароблар айлантириб турилади. У ерда нафслар тусайдиган ва кўзлар лаззатланадиган барча нарса бордир. Сизлар у жойда мангу қолувчисизлар.
Агар мўминлардан икки тоифа ўзаро урушиб қолсалар, дарҳол улар ўртасини ислоҳ қилинглар. Бас, агар улардан бири, иккинчисининг устига тажовузкорлик қилса, бас, то тажовузкор тоифа Аллоҳнинг амрига қайтгунча, сизлар тажовуз қилган тоифа билан урушинглар. Агар у тоифа тажовузкорликдан қайтса, сизлар дарҳол уларнинг ўртасини адолат билан тузатиб қўйинглар ва адолат қилинглар. Албатта, Аллоҳ адолат қилувчиларни севади.
Уларнинг атрофларида гўё садаф ичида яширинган дурдек пок ва хушсурат ғуломлар айланиб хизмат қилиб юради.
Улар ўша жаҳаннам билан ўта қайноқ сув ўртасида айланиб турадилар.
Атрофларида эса мангу ёш йигитлар айланиб юрадилар.
Эй иймон келтирганлар, Аллоҳнинг ёрдамчилари бўлинглар. Худди Марям ўғли Исо ҳаворийларга: “Аллоҳ йўлига даъват қилишимда ким менинг ёрдамчиларим бўлади?” – деганидек. Ҳаворийлар Исога: “Биз Аллоҳнинг дини йўлида ёрдам берувчилармиз”, – дедилар. Бас, Исроил авлодидан бир тоифа Исо пайғамбарга иймон келтирди ва бир тоифа куфр келтирди. Бас, Биз иймон келтирган кимсаларни душманларига қарши қўллаб-қувватладик Натижада, улар ғолиб бўлдилар.
Эй иймон келтирганлар, Аллоҳнинг ёрдамчилари бўлинглар. Худди Марям ўғли Исо ҳаворийларга: “Аллоҳ йўлига даъват қилишимда ким менинг ёрдамчиларим бўлади?” – деганидек. Ҳаворийлар Исога: “Биз Аллоҳнинг дини йўлида ёрдам берувчилармиз”, – дедилар. Бас, Исроил авлодидан бир тоифа Исо пайғамбарга иймон келтирди ва бир тоифа куфр келтирди. Бас, Биз иймон келтирган кимсаларни душманларига қарши қўллаб-қувватладик Натижада, улар ғолиб бўлдилар.
Бас, тунда улар уйқуда бўлган чоғларида, у боғ устида Роббингиз томонидан бўлмиш айланувчи офат айланиб чиқди.
Бас, тунда улар уйқуда бўлган чоғларида, у боғ устида Роббингиз томонидан бўлмиш айланувчи офат айланиб чиқди.
Эй Муҳаммад, албатта, Роббингиз сиз ва сиз билан бирга бир тоифа саҳобаларингиз кечанинг учдан иккисидан озроғида, баъзида унинг ярмида ва гоҳо учдан бирида бедор бўлиб, намозга туришингизни билади. Кеча ва кундуз миқдорини Аллоҳ белгилайди. Аллоҳ фасллар ўзгариши билан туннинг узун ва қисқа бўлиб туриши сабабли сизлар у кечаларда бедор бўлишларингиз лозим бўлган соатларнинг саноғига ета олмасларингизни билиб, тавбаларингизни қабул қилди. Энди кечалари намозларингизда Қуръондан осон бўлган миқдорда ўқийверинглар. У сизларнинг орангизда беморлар бўлишини, бошқалар Аллоҳнинг фазлини истаб, Ер юзида сафар қилишларини ва яна бошқалар эса Аллоҳ йўлида жангга чиқиб кетишларини ҳам билди. Бас, қийналмай Қуръондан осон бўлган миқдорда ўқийверинглар. Намозни тўлиқ адо қилинглар, закотни муҳтожларга беринглар ва мискинларга эҳсон қилиш билан Аллоҳга “қарзи ҳасана” беринглар! Ўзларингиз учун тақдим қиладиган яхшиликни қиёмат куни Аллоҳнинг ҳузурида янада яхшироқ ва улуғроқ мукофот ҳолида топасизлар. Аллоҳдан мағфират сўранглар! Шубҳасиз, Аллоҳ гуноҳларни кечирувчи – Ғофур ва марҳамати кенг бўлган – Раҳим Зотдир.
Уларга кумуш идишларда таомлар ва кумушдан ясалган бўлса-да, нафисликда шиша бўлиб кетган қадаҳларда шароблар айлантирилиб турилади.
