هُنَالِكَ

هُنَا : сўзи энг яқин замон ва маконга ишора қилиш учун ишлатиладиган зарфдир. Уни макон учун ишлатиш кўпроқ ўрин олгандир. Шу маънода هُنَا، وَهُنَاكَ، وَهُنَالِكَ дейилади, бу — бу ерда, шу ерда, у ерда деганидир. Бу худди бу, шу, у деган маънони англатувчи ذَا، وذَاكَ، وذَلِكَ ишора олмошлари кабидир. Аллоҳ буюради: جُنْدٌ مَا هُنَالِكَ مَهْزُومٌ مِنَ اْلأَحْزَابِ Улар ўша ерда турли қўшин қисмларидан иборат, мағлубиятга учраган бир лашкардир (38/Сод 11); إِنَّا هَاهُنَا قَاعِدُونَ .Биз бу ерда ўтириб турувчилармиз (5/Моида 24).
Яна буюради: هُنَالِكَ تَبْلُو كُلُّ نَفْسٍ مَا أَسْلَفَتْ Ана ўша ерда ҳар бир жон ўтмишда қилган ишини топади. (10/Юнус 30); هُنَالِكَ ابْتُلِيَ الْمُؤْمِنُونَ Ана ўша ерда мўминлар имтиҳон қилиндилар, (33/Аҳзоб 11); هُنَالِكَ الْوَلَايَةُ لِلَّهِ الْحَقِّ Ана ўша ерда валоят (ҳимоя, куч, мадад) фақат ҳақ бўлган Аллоҳга хосдир (18/Каҳф 44); فَغُلِبُوا هُنَالِكَ وَانْقَلَبُوا صَاغِرِينَ Ўша ерда мағлуб бўлган ва хор бўлган эдилар (7/Аъроф 119).