و ق ت

وَقْت : Бирор иш учун белгиланган вақтнинг охиридир. Шунинг учун у деярли ҳамиша белгиланган ҳолда айтилади. Мутлақ маънода айтилмайди. Масалан, وَقَّتَ كَذَا Унга маълум бир вақт тайин этди, дейилади.
Аллоҳ буюради: إِنَّ الصَّلاَةَ كَانَتْ عَلَى الْمُؤْمِنِينَ كِتَابًا مَوْقُوتًا Чунки намоз мўминлар зиммасида белгиланган вақтларда ёзилган фарздир (4/Нисо 103); وَإِذَا الرُّسُلُ أُقِّتَتْ Пайғамбарлар белгиланган вақтларига етказилган пайтда (77/Мурсалот 11).
مِيقَات бирор нарса учун белгиланган вақтдир. Шунингдек, вақти белгиланган ваъда бериш, учрашув ва учрашув жойи деганидир.
Аллоҳ буюради: إِنَّ يَوْمَ الْفَصْلِ مِيقَاتُهُمْ أَجْمَعِينَ Шубҳасиз, ҳақ билан ботилнинг ажрим куни — уларнинг барчаси бир жойга тўпланадиган белгиланган вақтдир (44/Духон 40); إِنَّ يَوْمَ الْفَصْلِ كَانَ مِيقَاتًا Шубҳасиз, ажрим куни белгиланган бир вақт бўлди (78/Набаъ 17); لَمَجْمُوعُونَ إِلَى مِيقَاتِ يَوْمٍ مَعْلُومٍ Маълум бир куннинг маълум вақтида албатта тўпланадилар (56/Воқеа 50).
مِيقَات сўзи бирор нарса қилинадиган жой учун ҳам ишлатилиши мумкин. مِيقَاتُ اْلحَجِّ Ҳажнинг мийқоти (эҳром кийиладиган жойлар) каби.