كَلَّا

«Йўқ», «ҳаргиз йўқ», «асло», «мумкин эмас» деган маъноларни ташувчи كَلاَّ сўзи айтувчи кишини койиш, унинг сўзини рад этиш ва бекор қилишдир. Бу — ижобий жавоб бериш маъносини англатувчи إي (ҳа) сўзининг зиддидир. Бу маънода Аллоҳ буюради: أَفَرَأَيْتَ الَّذِي كَفَرَ بِآَيَاتِنَا وَقَالَ لَأُوتَيَنَّ مَالاً وَوَلَدًا أَطَّلَعَ الْغَيْبَ أَمِ اتَّخَذَ عِنْدَ الرَّحْمَنِ عَهْدًا كَلاَّ Оятларимизни инкор этган ва «Албатта, менга мол ва фарзанд берилур», деган кимсани кўрдингми? У (кофир) ғайбни билдими? Ёки Раҳмон (Аллоҳ) ҳузуридан бирор аҳд олдими? Асло йўқ! (19/Марям 77-79); لَعَلِّي أَعْمَلُ صَالِحًا فِيمَا تَرَكْتُ كَلاَّ إِنَّهَا كَلِمَةٌ هُوَ قَائِلُهَا Шояд, мен тарк этган дунёдаги еримда яхши амал қилсам. Йўқ! Албатта, бу (қуруқ) гап бўлиб, у буни гапирувчи, холос. (23/Муъминун 100) ва бунга ўхшаш яна кўплаб оятлар.
كَلاَّ لَمَّا يَقْضِ مَا أَمَرَهُ Асло йўқ, дарҳақиқат, у Аллоҳ буюрган нарсани ҳануз тўла адо этмади (80/Абаса 23).