ل د د

Бу ўзакдан келган اَلأَلَدُّ шакли қаттиқ қаршилик кўрсатувчи/ашаддий душман деганидир. Кўплиги эса لُدٌّ шаклида бўлади. Аллоҳ буюради: وَهُوَ أَلَدُّ الْخِصَامِ Ҳолбуки, У Ислом душманларининг энг ашаддийсидир (2/Бақара 204); وَتُنْذِرَ بِهِ قَوْمًا لُدًّا ва у билан қаттиқ адоват қилувчи бир қавмни ҳам огоҳлантиришинг учун (19/Марям 97).
اَلْأَلَدُّ сўзининг асли эса бўйнининг ён томони қаттиқ бўлган кишидир. Бу ҳол унинг ҳаракатланишига шу қадар таъсир қиладики, у истаган нарсасини қила олмайди. Шу маънода فُلاَنٌ يَتَلَدَّدُ дейиладики, фалон одам атрофига аланглаяпти, деганидир.
لَدُود шакли эса тиббиётда инсонга бурун тешикларининг бири орқали ичириладиган дорудир. قَدْ اِلْتَدَدْتُ ذَلِكَ Буни бурун орқали қабул қилдим деб ҳам айтилади.