ق ط ط

وَقَالُوا رَبَّنَا عَجِّلْ لَنَا قِطَّنَا قَبْلَ يَوْمِ الْحِسَابِ : Улар яна: Эй Роббимиз! Ҳисоб кунидан олдин бизга азобдан насибамизни тезроқ бергин, дедилар (38/Сод 16).
قِطُّ : Саҳифа деганидир. Бу — ҳам ёзилган нарса, ҳам ичига ёзиладиган нарса учун қўлланиладиган исмдир. Шунингдек, гоҳида сўз ёзилмаган бўлса ҳам «китоб» деб аталгани каби, худди шунга ўхшаш, гоҳида мактуб (хат) ҳам шу исм билан аталади.
Бошқа томондан, قِطُّ сўзининг асли — эни бўйлаб кесилган нарса маъносини англатади. Худди قَِدّ сўзи узунасига кесилган нарса маъносида ишлатилгани каби. Бундан ташқари, قِطُّ сўзи белгиланган улуш (насиба) маъносини ҳам англатади. Бу ҳам гўё кесилган, яъни ажратилган улуш хусусияти назарда тутилиб айтилган. Ибн Аббос (ра) ҳам оятни шу маънода изоҳлаган.
Яна шу ўзакдан قَطَّ السِّعْرُ дейилади, бу нархларнинг кўтарилганини билдиради.
Яна مَا رَأَيْتُهُ قَطُّ ибораси ишлатилади. Бу ҳам аниқ вақт бўлагини ифодалаш учун ишлатилади ва: Мен уни ҳеч кўрмадим маъносини англатади.
قَطْنِي эса, менга етар деганидир.