ك ف ت

тутмоқ ва тўплаш маъносини англатувчи كَفْت сўзи ҳақида Аллоҳ буюради: أَلَمْ نَجْعَلِ اْلأَرْض كِفَاتًا أَحْيَاءً وَأَمْوَاتًا ‎ Ерни кифот (тўпланиш жойи) қилиб қўймадикми? Тирик пайтларида ҳам, ўлик ҳолга келганларида ҳам (77/Мурсалот 25-26). Ушбу оятда ер юзи одамларнинг ҳам тирикларини, ҳам ўликларини тўплашига ишора қилинмоқда.
Бошқа бир қарашга кўра эса, у одамлар, ҳайвонлар ва ўсимликлардан иборат тирикларни ҳамда ерда, сувда ва булардан ташқарида қолган жонсизлардан иборат ўликларни ўз ичига олувчи бир маконни қилиб қўймадикми, деган маънони англатади.
كِفَات сўзига келсак, дейиладики: тез учиш деганидир. Асли эса, учиш учун қанот қоқишдир. Дарҳақиқат, Аллоҳ буюради: أَوَلَمْ يَرَوْا إِلَى الطَّيْرِ فَوْقَهُمْ صَافَّاتٍ وَيَقْبِضْنَ Улар устиларида қанотларини ёйиб ва йиғиб учиб юрган қушларни кўрмадиларми? (67/Мулк 19). Ушбу оятда келган قَبْض сўзи, ундаги كِفَات сўзи кабидир.
كَفْت сўзи эса, қаттиқ ҳайдашдир. Туяларни ҳайдашда ишлатиладиган كَفْت сўзи, яна уларни ҳайдашда ишлатиладиган قَبْض сўзи кабидир. Шу маънода: قَبَضَ الرَّاعِي اْلإِبِلَ чўпон, туяларни қаттиқ ҳайдаб кетди ҳамда رَاعِي قَبْضَةٍ қаттиқ ҳайдовчи чўпон иборалари ишлатилади.
كَفَتِ اللهُ فُلاَنًا إِلَى نَفْسِهِ ибораси эса, Аллоҳ фалончини ўзига олди, яъни унинг жонини олди, деган ифода кабидир.
Ҳадисда эса: اَكْفِتُوا صِبْيَانَكُمْ بِاللَّيْلِ Кечалари болаларингизни назорат остида тутинглар, деб буюрилган.