ك ي ف

كَيْفَ (Қандай); У ҳақда: оқ ва қора каби, شَبِيه (ўхшаш) ёки غَيْرُ شَبِيهٍ (ўхшамас), صَحِيح (соғломдир) ёхуд سَقِيم (касалдир) тарзида баъзи таърифлар берилиши мумкин бўлган сўроқ сўзидир. Шунинг учун Аллоҳ таоло ҳақида: Қандай? деган саволни бериш тўғри эмас. Баъзан оқ ва қора каби ўзидан савол сўраладиган нарса ҳақида ҳам كَيْفَ ишлатилади. Оқ ва қора каби. Биз бирор нарса ҳақида كَيْفَ (қандай?) деб сўрашимиз мумкин. Аллоҳ таолонинг Ўз Зоти ҳақида бизга берган маълумотларининг барчаси, аслида мухотабни огоҳлантириш ёки унга танбеҳ бериш учун берилган саволлардир.
Қуйидаги оятлар бунга мисолдир: كَيْفَ تَكْفُرُونَ بِاللَّهِ Аллоҳни қандай инкор қиласизлар (2/Бақара 28); كَيْفَ يَهْدِي اللَّهُ قَوْمًا كَفَرُوا بَعْدَ إِيمَانِهِمْ Иймон келтиргандан кейин инкорга кетган бир қавмни Аллоҳ қандай тўғри йўлга солади? (3/Оли Имрон 86); كَيْفَ يَكُونُ لِلْمُشْرِكِينَ عَهْدٌ عِنْدَ اللَّهِ وَعِنْدَ رَسُولِهِ У мушрикларнинг Аллоҳ наздида ва Унинг Расули ҳузурида бирон аҳди қандай бўлиши мумкин? (9/Тавба 7);
اُنْظُرْ كَيْفَ ضَرَبُوا لَكَ اْلأَمْثَالَ Қара, сен учун қандай мисоллар келтирдилар (17/Исро 48); فَانْظُرُوا كَيْفَ بَدَأَ الْخَلْقَ (Аллоҳ) йўқдан қандай яратганини кўринглар (29/Анкабут 20); أَوَلَمْ يَرَوْا كَيْفَ يُبْدِئُ اللَّهُ الْخَلْقَ ثُمَّ يُعِيدُهُ Аллоҳ мавжудотларни йўқдан қандай яратганини, сўнгра уни қайта яратишини улар кўрмадиларми? (29/Анкабут 19).