ن ق م

نَقِمْتُ الشَّيْءَ وَنَقَمْتُهُ : Бир нарсадан нафратланиш, унга душман бўлиш ва ундан интиқом олишдир. Бу эса ё тил билан, ё жазолаш йўли билан юзага келади. Шу маънода Аллоҳ буюради: وَمَا نَقَمُوا إِلاَّ أَنْ أَغْنَاهُمُ اللَّهُ وَرَسُولُهُ مِنْ فَضْلِهِ ҳолбуки, уларнинг ўч олишлари учун Аллоҳ ва Унинг Расули уларни Ўз фазлу карамидан бой-бадавлат қилиб қўйганидан бошқа ҳеч бир сабаб йўқ эди (9/Тавба 74).
Яна буюради: وَمَا نَقَمُوا مِنْهُمْ إِلاَّ أَنْ يُؤْمِنُوا بِاللَّهِ الْعَزِيزِ الْحَمِيدِ Мўминлардан ўч олишларининг сабаби эса, уларнинг фақат иззатли ва мақталган Аллоҳга иймон келтирганлари эди (85/Буруж 8); قُلْ يَا أَهْلَ الْكِتَابِ هَلْ تَنْقِمُونَ مِنَّا إِلاَّ أَنْ آَمَنَّا بِاللَّهِ وَمَا أُنْزِلَ إِلَيْنَا وَمَا أُنْزِلَ مِنْ قَبْلُ Айт: Эй аҳли китоб! Фақат Аллоҳга, бизга нозил қилинганга ва биздан аввал нозил қилинганга иймон келтирганимиз учунгина бизга тиш қайраяпсизми? (5/Моида 59).
نِقْمَة эса, жазолашдир. Аллоҳ буюради: فَانْتَقَمْنَا مِنْهُمْ فَأَغْرَقْنَاهُمْ فِي الْيَمِّ Биз ҳам улардан интиқом олдик ва ҳаммасини денгизга ғарқ қилдик (7/Аъроф 136); فَانْتَقَمْنَا مِنَ الَّذِينَ أَجْرَمُوا шунинг учун гуноҳ қилганлардан интиқом олдик; (30/Рум 47); فَانْتَقَمْنَا مِنْهُمْ فَانْظُرْ كَيْفَ كَانَ عَاقِبَةُ الْمُكَذِّبِينَ Биз ҳам улардан интиқом олдик; мана, ҳақиқатни ёлғонга чиқарганларнинг оқибати қандай бўлганига боқ (43/Зухруф 25).