ج ن د

Аскарга (қўшинга) унинг қаттиқлиги эътиборга олиниб جُنْد номи берилади. Бу ҳам جُنْد сўзидан олингандир, у эса тошлоқ бўлган қаттиқ ер деганидир. Шунингдек, ҳар бир жамоат учун ҳам جُنْدноми ишлатилади.
Масалан: اَلأرْوَاحُ جُنُودٌ مُجَنَّدَةٌ Руҳлар — интизомга солинган лашкарлардир. Аллоҳ буюради: وَإِنَّ جُنْدَنَا لَهُمُ الْغَالِبُونَ Ва албатта, ғолиб бўлгувчилар — бизнинг лашкарларимиздир (37/Соффат 173); إِنَّهُمْ جُنْدٌ مُغْرَقُونَ Чунки улар ғарқ қилинувчи бир қўшиндир (44/Духон 24). جُنْد сўзининг кўплиги أجْنَاد ва جُنُود шаклидадир.
Аллоҳ буюради: وَجُنُودُ إِبْلِيسَ أَجْمَعُونَ Иблиснинг барча лашкарлари ҳам (26/Шуъаро 95); وَمَا يَعْلَمُ جُنُودَ رَبِّكَ إِلاَّ هُوَ Роббингнинг қўшинларини ёлғиз Унинг Ўзи билади (74/Муддассир 31); اُذْكُرُوا نِعْمَةَ اللَّهِ عَلَيْكُمْ إِذْ جَاءتْكُمْ جُنُودٌ فَأَرْسَلْنَا عَلَيْهِمْ رِيحاً وَجُنُوداً لَمْ تَرَوْهَا Аллоҳнинг сизга берган неъматини эсланглар, бир вақт устингизга қўшинлар келган эди, бас, Биз уларнинг устига шамол ва сизлар кўрмаган қўшинларни юборган эдик; (33/Аҳзоб 9) оятда келган биринчи جُنُود кофирлар; кўринмайдиган иккинчиси эса, مَلاَئِكَة фаришталардир.