ج ن ي

جَنَيْتُ الثَّمَرَةَ وَاجْتَنَيْتُهَا иборалари мевани термоқ деганидир. جَنِيّ эса терилган мева ва асалдир. جَنِيّ сўзи кўпроқ янги узилган мева ҳақида ишлатилади. Аллоҳ буюради: تُسَاقِطْ عَلَيْكِ رُطَباً جَنِيّاً Устингга пишган ва янги хурмолар тўкилсин (19/Марям 25); وَجَنَى الْجَنَّتَيْنِ دَانٍ Бу икки жаннатнинг меваси яқиндир (55/Ар-Роҳман 54). أجْنَى الشَّجَرُ وَاْلأرْضُ дарахтнинг меваси пишди ва ернинг териладиган меваси кўпайди деганидир. جَنَى فُلاَنٌ جِنَايَةً фалончи жиноят қилди ибораси ҳам шундан олинган истиорадир. Худди جَرَمَ феълидан истиора йўли билан اِجْتَرَمَ феъли ясалгани каби.