ع س ل

عَسَل : Асалари тупуги/сўлаги. مَثَلُ الْجَنَّةِ الَّتِي وُعِدَ الْمُتَّقُونَ فِيهَا أَنْهَارٌ مِنْ مَاءٍ غَيْرِ آَسِنٍ وَأَنْهَارٌ مِنْ لَبَنٍ لَمْ يَتَغَيَّرْ طَعْمُهُ وَأَنْهَارٌ مِنْ خَمْرٍ لَذَّةٍ لِلشَّارِبِينَ وَأَنْهَارٌ مِنْ عَسَلٍ مُصَفًّى : Аллоҳга осийлик қилишдан сақланганларга ваъда қилинган жаннат шундайки: унда айнимайдиган сувдан дарёлар, таъми ўзгармайдиган сутдан дарёлар, ичувчилар учун лаззатли майдан дарёлар ва мусаффо асалдан дарёлар бордир (47/Муҳаммад 15).
Киноя йўли билан жинсий алоқага عُسَيْلَة /асалча дейилади. Ҳазрати Пайғамбар (сав) шундай буюрганлар: حَتَّى تَذُوقِي عُسَيْلَتَهُ وَيَذُوقَ عُسَيْلَتَكِ : Токи сен унинг асалчасини, у эса сенинг асалчангни тотиб кўрмагунингизча. عَسَلاَن : Найзанинг ва югурган пайтда аъзоларнинг титрашидир. Бу сўз кўпроқ бўри учун ишлатилади. مَرَّ يَعْسِلُ ويَنْسِلُ /Бўри чайқалиб ўтди, дейилади.