خ ل ع

خَلْع : Бу сўз инсоннинг кийимини ечиши, отнинг эгари ва ҳимоя қилувчи кўйлак (зирҳ)нинг олиб ташланиши маъносида ишлатилади. Аллоҳ буюради: فَاخْلَعْ نَعْلَيْكَ Кавушларингни ечгин (20/Тоҳо 12); дейиладики, бу зоҳирий маънодадир ва (Аллоҳ) унга кавушини ечишни буюрган, чунки у ўлган эшак терисидан ясалган эди. Баъзи сўфийлар айтадики: Бу — рамзий ибора; (у) иқомат ва барқарор бўлишни буюрмоқда. Худди бир кишига яхшилаб жойлашиши ва роҳатланиши учун: اَنْزِعْ ثَوْبَكَ وَخُفَّكَ Кийимингни, маҳсингни ва шу каби нарсаларингни ечгин дейилиши кабидир. Шунинг учун خَلَعَ فُلاَنٌ عَلَى فُلاَنٍ ибораси бир кишининг бошқасига кийим берганини англатади. Бу ибородан инъом маъносининг чиқарилиши عَلَى فُلاَن қўшимчасининг илова қилинишига асосланади; сирф خَلْع феълининг ишлатилишига эмас.