خ و ض

خَوْض сўзи — сувга кириш ва сувдан ўтишдир. Истиора йўли билан кўпгина нарсалар учун ишлатилади. Қуръонда ишлатилган ўринларининг кўпчилигида, бошланиши қораланган ишларни ифодалаш маъносида ишлатилган. Бир неча мисол: وَلَئِنْ سَألْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ Агар улардан сўрайдиган бўлсанг, улар: «Биз фақат гапга шўнғидик, ўзаро кўнгил очардик», дейишади (9/Тавба 65); وَخُضْتُمْ كَالَّذِي خَاضُوا Сизлар ҳам дунёга шўнғиганлар каби шўнғидингиз (9/Тавба 69); ذَرْهُمْ فِي خَوْضِهِمْ يَلْعَبُونَ Уларни ўз ҳолига қўй, шўнғиб кетганларида ўйнаб юраверсинлар (6/Анъом 91); وَإِذَا رَأيْتَ الَّذِينَ يَخُوضُونَ فِي آيَاتِنَا فَأعْرِضْ عَنْهُمْ حَتَّى يَخُوضُوا فِي حَدِيثٍ غَيْرِهِ оятларимиз ҳақида асоссиз лоф урувчиликка шўнғиётганларни кўрганингда, (бу кимсалар) бошқа бир сўзга ўтгунига қадар уларнинг ёнидан узоқлаш (6/Анъом 68). Ибора сифатида эса أخَضْتُ دَابَّتيِ فِي الْمَاء уловимни сувга солдим, تَخَاوَضُوا فِي الْحَدِيثِ ўзаро сўз билан баҳслашдилар деганидир.