أ ث ل

وَبَدَّلْنَاهُم بِجَنَّتَيْهِمْ جَنَّتَيْنِ ذَوَاتَىْ أُكُلٍ خَمْطٍ وَأَثْلٍ وَشَيْءٍ من سِدْرٍ قَلِيلٍ : Уларнинг икки боғини тахир мевали, аччиқ мевали ва ичида озгина сидр бўлган икки боққа алмаштирдик (34/Сабаъ 16).
أَثْلٌ калимаси — илдизи мустаҳкам бўлган дарахтдир. شَجَرٌ مُتَأَثِّلٌ эса, мустаҳкамлиги собит дарахт деганидир. تَأَثَّلَ كَذَا Мустаҳкамлиги собит бўлди, маъносини англатади.
Пайғамбарнинг (сав); غَيْرَ مُتَأَثِّلٍ مَالاً Молга ҳаддан ортиқ берилмасдан ибораси эса, ўзига катта улуш ажратмасдан ва келажакда ишлатиш учун сақламасдан, деганидир. Бу ерда تَأَثُّلْ истиора сифатида ишлатилган. Яна шундан олинган истиора — نَحَتُّ أَثْلَتَهُ мақолидир, у бир кишининг ғийбатини қилмоқ деганидир.