ن ع س

نُعَاس : Енгил уйқу деганидир. Аллоҳ буюради: إِذْ يُغَشِّيكُمُ النُّعَاسَ أَمَنَةً مِنْهُ Ўша пайтда сизларни, Ўз ҳузуридан омонлик бўлсин деб, енгил бир уйқу ўраб оларди, (8/Анфол 11); ثُمَّ أَنْزَلَ عَلَيْكُمْ مِنْ بَعْدِ الْغَمِّ أَمَنَةً نُعَاسًا يَغْشَى طَائِفَةً مِنْكُمْ Сўнгра, ўша ғам-ғуссадан кейин (Аллоҳ) устингизга шундай бир омонлик, шундай енгил бир уйқу туширдики, у орангиздаги бир тоифани қоплаб-ўраб оларди (3/Оли Имрон 154).
Бу оятларда келган نُعَاس сўзи кўнгил хотиржамлиги ва ором топиш экани, ҳамда Пайғамбарнинг (сав): طُوبَي لِكُلِ عَبْدٍ نُوَمَةٍ Енгил уйқу ухлайдиган ҳар бир бандага хушхабар бўлсин, деган сўзига ишора қилиши ҳам айтилган.