ФАЛАҚ СУРАСИ

Фалақ сураси 5 оятдан иборат бўлиб, Маккада нозил бўлган. Ушбу сурага ўзининг биринчи оятидаги “фалақ” сўзи ном бўлиб қолган. “Фалақ” сўзи луғатда “ёриш” деган маънони билдиради. Бу сурада “фалақ” сўзи “тонг” маъносида келган. Тонг кечани ёриб бошлангани учун шу ном билан ҳам аталади.

بِسْمِ اللّٰهِ الرَّحْمٰنِ الرَّح۪يمِ

РАҲМОН ВА РАҲИМ БЎЛГАН АЛЛОҲ НОМИ БИЛАН

قُلْ اَعُوذُ بِرَبِّ الْفَلَقِۙ (١)

1. Эй Муҳаммад: “Тонг Роббисидан паноҳ тилаб илтижо қиламан”, – деб айтинг.

مِنْ شَرِّ مَا خَلَقَۙ (٢)

2. Яратган нарсалари ёвузлигидан,

وَمِنْ شَرِّ غَاسِقٍ اِذَا وَقَبَۙ (٣)

3. Кириб келган қоронғу кечанинг ёмонлигидан,

وَمِنْ شَرِّ النَّفَّاثَاتِ فِي الْعُقَدِۙ (٤)

4. Тугунчаларга дам урувчи аёллар ёмонлигидан,

وَمِنْ شَرِّ حَاسِدٍ اِذَا حَسَدَ (٥)

5. Ҳамда ҳасад қилаётган ҳасадгўйнинг ёмонлигидан паноҳ сўрайман.

Изоҳ: Бу суранинг фазилатлари тўғрисида кўпгина ҳадиси шарифлар мавжуд. Барча ёмонликлардан омонда бўлиш учун Фалақ, Нос, Ихлос сураларини ўқиб Аллоҳдан нажот сўрашнинг фойдалари тўғрисида Пайғамбаримиз Муҳаммад соллоллоҳу алайҳи васаллам кўп башоратларни айтиб кетганлар.