ЛАЙЛ СУРАСИ

Лайл сураси 21 оятдан иборат бўлиб, Маккада нозил бўлган. Ушбу суранинг номи ҳам ўзининг биринчи сўзидан олинган. “Лайл” тун деганидир. Аллоҳ таоло бу сурани тун ила қасам ичиб бошлаганидан, унга “Лайл” номи берилган.

بِسْمِ اللّٰهِ الرَّحْمٰنِ الرَّح۪يمِ

РАҲМОН ВА РАҲИМ БЎЛГАН АЛЛОҲ НОМИ БИЛАН

وَالَّيْلِ اِذَا يَغْشٰىۙ (١)

1. Борлиқни ўз зулмати билан қоплаб келаётган тунга қасам бўлсин.

وَالنَّهَارِ اِذَا تَجَلّٰىۙ (٢)

2. Ёришиб келаётган кундузга қасам бўлсин.

وَمَا خَلَقَ الذَّكَرَ وَالْاُنْثٰىۙ (٣)

3. Эркак ва аёлни яратган Зотга қасам бўлсин.

اِنَّ سَعْيَكُمْ لَشَتّٰىۜ (٤)

4. Албатта, сизларнинг саъй-ҳаракатларингиз турличадир!

فَاَمَّا مَنْ اَعْطٰى وَاتَّقٰىۙ (٥)

5. Бас, кимки закот ва садақотларни берса ва Аллоҳдан қўрқса,

وَصَدَّقَ بِالْحُسْنٰىۙ (٦)

6. Ҳамда гўзал оқибатни тасдиқ қилса,

Изоҳ: Гўзал нарсадан мурод ислом дини ёки жаннат ёхуд иймон калимаси.

فَسَنُيَسِّرُهُ لِلْيُسْرٰىۜ (٧)

7. Бас, унга осон йўлни муяссар қиламиз.

وَاَمَّا مَنْ بَخِلَ وَاسْتَغْنٰىۙ (٨)

8. Аммо кимки бахиллик қилса ва ўзини беҳожат санаса,

وَكَذَّبَ بِالْحُسْنٰىۙ (٩)

9. Ҳамда гўзал оқибатни ‎ ёлғонга чиқарса,

فَسَنُيَسِّرُهُ لِلْعُسْرٰىۜ (١٠)

10. Бас, унга оғир йўлни муяссар қиламиз.

وَمَا يُغْن۪ي عَنْهُ مَالُهُٓ اِذَا تَرَدّٰىۜ (١١)

11. У қулаган вақтида бойлиги унга фойда бермайди.

اِنَّ عَلَيْنَا لَلْهُدٰىۘ (١٢)

12. Албатта, ҳидоятга йўллаш фақат Бизнинг зиммамиздадир.

وَاِنَّ لَنَا لَلْاٰخِرَةَ وَالْاُو۫لٰى (١٣)

13. Ҳақиқатан, охират ҳам, дунё ҳам ёлғиз Бизникидир.

فَاَنْذَرْتُكُمْ نَارًا تَلَظّٰىۚ (١٤)

14. Сизларни ловуллаб ёнувчи дўзах ҳақида огоҳлантирдим.

لَا يَصْلٰيهَٓا اِلَّا الْاَشْقٰىۙ (١٥)

15. Унга фақат бахтсиз одам кириб, куяди.

اَلَّذ۪ي كَذَّبَ وَتَوَلّٰىۜ (١٦)

16. У динни ёлғонга чиқарган ва ҳақдан юз ўгирган эди.

وَسَيُجَنَّبُهَا الْاَتْقٰىۙ (١٧)

17. Албатта тақволи киши ундан узоқлаштирилади.

اَلَّذ۪ي يُؤْت۪ي مَالَهُ يَتَزَكّٰىۚ (١٨)

18. У мол мулкини яхшилик йўлида бериб нафсини поклайди.

وَمَا لِاَحَدٍ عِنْدَهُ مِنْ نِعْمَةٍ تُجْزٰىۙ (١٩)

19. Бирор кишининг унда эвазига мукофотланиши керак бўлган яхшилиги йўқдир.

Изоҳ: Яъни, у бирон кимсанинг ўзига ўтказиб қўйган яхшилигини қайтариш учун хайр-саховат кўрсатмаган ва миннат қилмаган.

اِلَّا ابْتِغَٓاءَ وَجْهِ رَبِّهِ الْاَعْلٰىۚ (٢٠)

20. У фақат энг олий Зот бўлмиш Роббисининг розилигини истаб эҳсон қилади.

وَلَسَوْفَ يَرْضٰى (٢١)

21. У яқинда бериладиган мукофотдан рози бўлади.