ОДИЁТ СУРАСИ

Одиёт сураси 11 оятдан иборат бўлиб, Маккада нозил бўлган. Ушбу суранинг номи ҳам ўзининг биринчи оятидаги биринчи сўздан олинган. “Одиёт” сўзи “чопувчилар” деган маънони билдиради.

بِسْمِ اللّٰهِ الرَّحْمٰنِ الرَّح۪يمِ

РАҲМОН ВА РАҲИМ БЎЛГАН АЛЛОҲ НОМИ БИЛАН

وَالْعَادِيَاتِ ضَبْحًاۙ (١)

1. Пишқириб чопадиган отлар билан қасам ичаман.

فَالْمُورِيَاتِ قَدْحًاۙ (٢)

2. Чопганда туёқларидан чақмоқ чақнатадиганлар билан қасам ичаман.

فَالْمُغ۪يرَاتِ صُبْحًاۙ (٣)

3. Саҳар пайтида ёв сари бостириб борадиганлар билан қасам ичаман.

فَاَثَرْنَ بِه۪ نَقْعًاۙ (٤)

4. Бас, ўшанда ортидан чанг қолдирадилар.

فَوَسَطْنَ بِه۪ جَمْعًاۙ (٥)

5. Шу чанг билан душман жамоасининг ўртасига ёриб кирадилар.

اِنَّ الْاِنْسَانَ لِرَبِّه۪ لَكَنُودٌۚ (٦)

6. Ҳақиқатан, инсон Роббиси ато қилган неъматларга ношукрлик қилувчидир.

وَاِنَّهُ عَلٰى ذٰلِكَ لَشَه۪يدٌۚ (٧)

7. Яна шунга ўзи ҳам гувоҳдир.

وَاِنَّهُ لِحُبِّ الْخَيْرِ لَشَد۪يدٌۜ (٨)

8. Яна у мол-дунё муҳаббатига жуда қаттиқ берилувчидир.

اَفَلَا يَعْلَمُ اِذَا بُعْثِرَ مَا فِي الْقُبُورِۙ (٩)

9. Ахир, у билмайдими, қиёмат бўлиб, қабрларнинг ичидаги нарсалар ташқарига чиқарилганида,

وَحُصِّلَ مَا فِي الصُّدُورِۙ (١٠)

10. Ҳамда диллардаги сирлар намоён қилинганида,

اِنَّ رَبَّهُمْ بِهِمْ يَوْمَئِذٍ لَخَب۪يرٌ (١١)

11. Ана ўша кунда албатта, Роббилари уларнинг қилиб ўтган ишларидан хабардор-ку!