ҚУРАЙШ СУРАСИ

Қурайш сураси 4 оятдан иборат бўлиб, Маккада нозил бўлган. Ушбу суранинг номи ўзининг биринчи оятидан олинган. Қурайш энг ҳурматли, энг қадрли араб қабиласи ҳисобланади. Ушбу сурада Аллоҳ таоло Қурайш қабиласига Ўзи берган улуғ неъматларни эслатиб, мазкур неъматлар шукронасига улар Аллоҳ таолога, Қурайшга иззат-икром келтирган байтнинг Роббига ибодат қилмоқлари лозим эканини эслатади.

بِسْمِ اللّٰهِ الرَّحْمٰنِ الرَّح۪يمِ

РАҲМОН ВА РАҲИМ БЎЛГАН АЛЛОҲ НОМИ БИЛАН

لِا۪يلَافِ قُرَيْشٍۙ (١)

1. Қурайш аҳлига қулай қилиб қўйгани учун,

ا۪يلَافِهِمْ رِحْلَةَ الشِّتَٓاءِ وَالصَّيْفِۚ (٢)

2. Уларга қишда Яманга ёзда эса Шомга сафар қилишни қулай қилиб қўйгани учун,

فَلْيَعْبُدُوا رَبَّ هٰذَا الْبَيْتِۙ (٣)

3. Мана шу уйнинг Роббисига ибодат қилсинлар!

اَلَّذ۪ٓي اَطْعَمَهُمْ مِنْ جُوعٍ وَاٰمَنَهُمْ مِنْ خَوْفٍ (٤)

4. Зеро, У уларни очликдан қутқариб таомлантирди ва хавф-хатардан омон қилди.

Изоҳ: Сурада Яманга қишда, ёзда Шомга сафар қилиш ҳақида айтилди. Макка аҳли ёзнинг иссиқ кунлари Яман диёрлари ўта қизиб кетишини билиб, бу фаслда салқинроқ Шом диёрига тижорат сафарини уюштирар, қишда кунлар бироз совиганда эса Яман диёрига сафар қилар эдилар.