БАЙЙИНА СУРАСИ

Баййина сураси 8 оятдан иборат бўлиб, Маккада нозил бўлган. Ушбу суранинг номи ҳам ўзининг биринчи ояти охирида келган “баййина” сўзидан олинган. “Баййина” сўзи луғатда “баён қилувчи”, “очиқ-ойдин ҳужжат” ва “далил” деган маъноларни билдиради.

بِسْمِ اللّٰهِ الرَّحْمٰنِ الرَّح۪يمِ

РАҲМОН ВА РАҲИМ БЎЛГАН АЛЛОҲ НОМИ БИЛАН

لَمْ يَكُنِ الَّذ۪ينَ كَفَرُوا مِنْ اَهْلِ الْكِتَابِ وَالْمُشْرِك۪ينَ مُنْفَكّ۪ينَ حَتّٰى تَأْتِيَهُمُ الْبَيِّنَةُۙ (١)

1. Аҳли китоб ва мушриклардан бўлган кофир кимсалар, то уларга ҳужжат келгунча, куфрдан ажралувчи бўлмадилар.

رَسُولٌ مِنَ اللّٰهِ يَتْلُوا صُحُفًا مُطَهَّرَةًۙ (٢)

2. У ҳужжат Аллоҳ томонидан юборилган пайғамбар бўлиб уларга покиза саҳифаларни тиловат қилади.

ف۪يهَا كُتُبٌ قَيِّمَةٌۜ (٣)

3. У саҳифаларда энг тўғри битиклар мавжуддир.

وَمَا تَفَرَّقَ الَّذ۪ينَ اُو۫تُوا الْكِتَابَ اِلَّا مِنْ بَعْدِ مَا جَٓاءَتْهُمُ الْبَيِّنَةُۜ (٤)

4. Аҳли китоблар фақат уларга ҳужжат келганидан кейингина бўлиниб кетдилар.

وَمَٓا اُمِرُٓوا اِلَّا لِيَعْبُدُوا اللّٰهَ مُخْلِص۪ينَ لَهُ الدّ۪ينَ حُنَفَٓاءَ وَيُق۪يمُوا الصَّلٰوةَ وَيُؤْتُوا الزَّكٰوةَ وَذٰلِكَ د۪ينُ الْقَيِّمَةِۜ (٥)

5. Ҳолбуки, улар фақат ягона Аллоҳга, Унинг учун динни ширкдан холис қилган, тўғри йўлдан оғмаган ҳолларида ибодат қилишга ва намозни тўлиқ адо қилишга ҳамда закот беришга буюрилган эдилар. Мана шу тўғри диндир.

اِنَّ الَّذ۪ينَ كَفَرُوا مِنْ اَهْلِ الْكِتَابِ وَالْمُشْرِك۪ينَ ف۪ي نَارِ جَهَنَّمَ خَالِد۪ينَ ف۪يهَاۜ اُو۬لٰٓئِكَ هُمْ شَرُّ الْبَرِيَّةِۜ (٦)

6. Албатта, аҳли китоб ва мушриклардан бўлган куфр келтирган кимсалар жаҳаннам оташида бўлиб, ўша жойда мангу қоладилар. Ана ўшалар халойиқнинг энг ёмонидирлар.

اِنَّ الَّذ۪ينَ اٰمَنُوا وَعَمِلُوا الصَّالِحَاتِۙ اُو۬لٰٓئِكَ هُمْ خَيْرُ الْبَرِيَّةِۜ (٧)

7. Албатта, иймон келтирган ва солиҳ амалларни қилган кимсалар – айнан ўшалар халойиқнинг энг яхшисидирлар.

جَزَٓاؤُ۬هُمْ عِنْدَ رَبِّهِمْ جَنَّاتُ عَدْنٍ تَجْر۪ي مِنْ تَحْتِهَا الْاَنْهَارُ خَالِد۪ينَ ف۪يهَٓا اَبَدًاۜ رَضِيَ اللّٰهُ عَنْهُمْ وَرَضُوا عَنْهُۜ ذٰلِكَ لِمَنْ خَشِيَ رَبَّهُ (٨)

8. Роббилари ҳузуридаги уларнинг мукофотлари тагидан анҳорлар оқиб турадиган Адн жаннатларидир. Улар ўша жойда абадий қолувчидирлар. Аллоҳ улардан рози бўлади, улар Аллоҳдан рози бўладилар. Бу мукофот Роббисидан қўрққан кишилар учундир.