47:1
Куфр келтирган ва бошқаларни ҳам Аллоҳ йўлидан тўсган кимсаларнинг амалларини Аллоҳ бекор қилади.
وَمِزَاجُهُ مِنْ تَسْنِيمٍ1448 йил 8 сафар|2026 йил 22 июл, чоршанба
Раҳмон ва Раҳим бўлган Аллоҳ номи билан бошлайман.
Куфр келтирган ва бошқаларни ҳам Аллоҳ йўлидан тўсган кимсаларнинг амалларини Аллоҳ бекор қилади.
Аллоҳ уларни жаннат йўлига ҳидоят қилади ва аҳволларини яхшилайди.
Ҳамда уларни Аллоҳ Ўзи таърифлаган жаннатга киритади.
Эй иймон келтирганлар, агар сизлар дин йўлида ҳаракат қилиб, Аллоҳга ёрдам берсангиз. У зот ҳам сизларга ёрдам беради ва қадамларингизни собит қилади.
Куфр келтирган кимсалар учун эса ҳалокат бўлади ва Аллоҳ уларнинг амалларини зое кетказур.
Бунга сабаб уларнинг Аллоҳ нозил қилган нарсаларни ёқтирмаганларидир. Бас, Аллоҳ уларнинг амалларини беҳуда кетказди.
Аллоҳ ҳидоят топганларнинг ҳидоятини янада зиёда қилади ва ҳаром нарсалардан тийилиш учун уларга тақволарини беради.
Агар иймондан юз ўгирсангиз, эҳтимол, сизлар ерда бузғунчилик қиларсизлар ва қариндошларингиз билан ҳам алоқаларингизни ҳам узарсизлар?!
Ундай кимсаларни Аллоҳ лаънатлаган. Бас, уларнинг қулоқларини ҳақни эшитишдан кар, кўзларини эса сўқир қилиб қўйган.
Ахир, улар Қуръон оятлари ҳақида фикр юритмайдиларми?! Ёки, қалбларида қулфлари борми?!
Бас, фаришталар уларнинг юзлари ва орқаларига уриб, жонларини олар вақтида, ҳоллари қандай бўлади?!.
Агар Аллоҳ сизлардан мол-дунёларингизни сўраб, сизларни қийнайдиган бўлса, сизлар бахиллик қиласизлар ва У сизларнинг дилларингиздаги гиналарингизни фош қилади.
Иймон келтирган ва солиҳ амалларни қилган ҳамда Роббилари томонидан у ҳақиқат бўлиб Муҳаммадга нозил қилинган Қуръонга иймон келтирган зотларнинг эса ёмонликларини ўчиради ва аҳволларини яхшилайди
Бу, албатта, куфр келтирганларнинг ботил йўлга эргашганлари, иймон келтирганларининг эса Роббилари томонидан бўлган ҳақ Қуръон йўлига эргашганлари учундир. Аллоҳ инсонларга ўзларининг мисолларини мана шундай келтиради.
Бас, эй мўминлар, қачонки, сизлар жанг майдонида куфр келтирганлар билан тўқнашсангиз, бўйинларига уриб ўлдиринглар. Бас, қачонки, уларни тор-мор қилиб асирга туширсангиз, арқонлар билан маҳкам боғланглар. Кейин уруш ўз юкларини қўйиб тўхтамагунча уларга илтифот қилиб озод қилиб юборасизлар, ёки қўйиб юбориш эвазига товон оласизлар. Агар Аллоҳ хоҳласа, улар устидан жангсиз ҳам ғолиб келар эди, лекин У сизларнинг айримларингизни айримларингиз билан имтиҳон қилиш учун сизларга жанг қилишни буюрди. Аллоҳ йўлида ўлдирилганларнинг амалларини У Зот ҳеч бекор қилмайди.
Ахир, улар ер юзида сайр қилиб, ўзларидан аввалги иймонсиз кимсаларнинг оқибатлари қандай бўлганини кўрсалар бўлмайдими? Аллоҳ уларни яксон қилди-ку! Кофирларга ҳам шунга ўхшаш оқибатлар бўлади.
Бу, албатта, Аллоҳ иймон келтирганларнинг дўсти эканидан ва албатта, кофирларга ҳеч қандай ҳомий йўқлигидандир.
Албатта, Аллоҳ иймон келтирган ва солиҳ амалларни қилган кимсаларни остидан анҳорлар оқиб турадиган жаннатларга киритади. Куфр келтирган кимсалар эса дунё лаззатларидан фойдаланиб, чорва ҳайвонлари еганидек еб-ичадилар ва охирида дўзах уларнинг жойларидир.
Эй Муҳаммад, сизни Макка шаҳридан ҳайдаб чиқарганларнинг аҳлидан кўра аҳолиси қувватлироқ бўлган қанчадан-қанча шаҳарни ҳалок қилганмиз. Бас, уларга бирор ёрдамчи бўлмаган.
Ахир, Роббиси томонидан аниқ ҳужжатга эга бўлган киши билан қилган ёмон иши ўзига чиройли кўринган ва ҳавойи нафсларига эргашган кофир кимсалар баробар бўладими?!
Аллоҳдан қўрқадиган тақводорлар учун ваъда қилинган жаннатнинг мисоли шуки, унда мазаси айнимас сувдан иборат дарёлар, таъми ўзгармайдиган сутдан иборат анҳорлар, ичувчилар учун лаззатли майдан бўлган дарёлар ва мусаффо асалдан иборат анҳорлар бордир. Улар учун у ерда барча мевалардан ва Роббилари томонидан мағфират бордир. Ана шундай кимсалар дўзахда мангу қоладиган ва қайноқ сув билан суғорилганда ичакларини тилка-пора қилиб ташлайдиган кофирлар каби бўладимилар?!
Эй Муҳаммад, у мунофиқларнинг орасида шундай кимсалар ҳам борки, улар сизга қулоқ солиб туради-да, ҳузурингиздан чиққач, илм берилган зотлар устидан масхара қилиб: “Ҳозиргина Муҳаммад нима деди?” – деб айтадилар. Ана ўшалар Аллоҳ дилларини муҳрлаб қўйган ва ўзларининг ҳавойи нафсларига эргашган кимсалардир.
Мунофиқлар, фақат тўсатдан қиёмат келиб қолишини кутиб турибдилар, холос. Дарвоқе, унинг баъзи аломатлари келиб ҳам қолди. Бас, уларга қиёмат келган вақтида, эслатма олишларидан қандай фойда бор?!
Бас, эй Муҳаммад, Аллоҳдан ўзга илоҳ йўқ эканини билинг ва ўз гуноҳингиз учун ҳамда мўмин ва мўминаларнинг гуноҳлари учун мағфират тиланг. Аллоҳ сизларнинг бу дунёдаги кезадиган жойларингизни ҳам, охиратда қайтиб борадиган жойларингизни ҳам билади.
Иймон келтирган кимсалар: “Жиҳодга буюрилган бирор сура нозил қилинса эди”, – дейдилар. Бас, қачонки, у ҳақида қатъий бир сура нозил қилиниб, унда жанг зикр қилинса, дилларида касаллик бўлган кимсаларнинг сизга худди ўлимдан қўрқиб беҳуш бўлиб қолган кимсанинг назаридек қараётганларини кўрасиз. Ҳолбуки, улар учун сизга итоат қилиш лойиқроқ эди.
Уларнинг итоат қилиши ва яхши сўз сўзлаши лозим эди. Энди, қачонки, иш муқарар бўлганда, улар Аллоҳга содиқ қолсалар, албатта, ўзлари учун яхши бўлар эди.
Чиндан ҳам, ўзларига ҳидоят йўли аниқ бўлганидан кейин яна ортларига қайтиб кетган кимсаларга шайтон бу ишларни чиройли қилиб кўрсатди ва улар учун пуч орзуларни узайтириб қўйди.
Бу куфрга қайтишларига сабаб – уларнинг Аллоҳ нозил қилган Қуръонни ёмон кўрган кимсаларга: “Биз айрим ишларда сизларга итоат қиламиз”, – деганларидир. Ҳолбуки, Аллоҳ уларнинг яширган сирларини билади.
Бунга сабаб уларнинг Аллоҳни ғазаблантирган нарсага эргашиб, Унинг ризолигини ёмон кўрганларидир. Бас, Аллоҳ уларнинг қилган яхши амалларини ҳам беҳуда кетказди.
Ёки қалбларида маънавий касаллик бўлган кимсалар Аллоҳ уларнинг мўминларга нисбатан бўлган дилларидаги адоватларини ошкор қилмайди, деб ўйладиларми?!
Эй Муҳаммад, агар хоҳласак, албатта, сизга ўша мунофиқларни кўрсатиб қўйган бўлар эдик. У ҳолда сиз уларни белгиларидан таниб олган бўлар эдингиз. Қасамки, албатта, сиз уларни зоҳиран иймон, аслида эса куфр бўлган сўз оҳангидан таниб оласиз. Аллоҳ қилаётган барча амалларингизни билиб туради.
Албатта, Биз, то орангиздаги моллари ва жонлари билан жиҳод қилувчи ва мусибатларга сабр қилувчи зотларни билгунимизча ҳамда хабарларингизни синагунимизча, сизларни имтиҳон қиламиз.
Албатта, куфр келтирган ва бошқаларни ҳам Аллоҳнинг йўлидан тўсган ҳамда ўзларига ҳидоят йўли аниқ бўлганидан кейин яна Пайғамбарга қаршилик қилган кимсалар, Аллоҳга бирор зарар етказа олмайдилар. Аллоҳ уларнинг пайғамбарга қаршилик қилиш йўлидаги барча ишларини беҳуда кетказади.
Эй иймон келтирганлар, Аллоҳга итоат қилинглар ва Пайғамбарга итоат этинглар. Мунофиқлик йўлига кириш билан қилган амалларингизни зое қилманглар.
Албатта, куфр келтирган ва бошқаларни ҳам Аллоҳ йўлидан тўсган, кейин кофир ҳолларида ўлган кимсаларни Аллоҳ асло мағфират қилмайди.
Бас, эй мўминлар, жанг майдонида сусткашлик қилманглар ва ўзингиз устун бўла туриб уларни сулҳга чорламанглар. Аллоҳ сизлар билан биргадир ва У қилган амалларингиз мукофотини асло камайтирмайди.
Ҳақиқатан, бу дунё ҳаёти фақат бир онлик ўйин-кулгу ва кўнгилхушликдир. Агар сизлар иймон келтирсангизлар ва Аллоҳдан қўрқсангизлар, У мукофотларингизни тўлиқ қилиб беради ва сизлардан мол-дунёларингизни сўрамайди.
Эй сиз одамлар! Сизлар Аллоҳ йўлида эҳсон қилишга чақирилмоқдасиз. Бас, аниқки орангизда бахиллик қиладиган кимсалар ҳам бордир. Кимки бахиллик қилса, бас, фақат ўз зарарига бахиллик қилади. Аллоҳ бой, сизлар эса фақирдирсизлар. Агар сизлар Аллоҳга итоат қилишдан бош тортсангиз, У хоҳласа ўрнингизга сизлардан бошқа бир қавмни алмаштириб қўяди. Кейин улар сизларга ўхшаган итоатсиз бўлмайдилар.