Эй Муҳаммад, бутун борлиқни яратган Роббингиз номи билан ўқинг!
Alaq сураси
Makkaда нозил бўлган.
30-жуз,96-сура,19 оятдан иборатMakkaда нозил бўлган.
30-жуз,96-сура,19 оятдан иборатРаҳмон ва Раҳим бўлган Аллоҳ номи билан бошлайман.
Эй Муҳаммад, бутун борлиқни яратган Роббингиз номи билан ўқинг!
У инсонни лахта қондан яратди.
Ўқинг! Роббингиз эса энг карамли Зотдир.
У инсонга қалам билан ёзишни ўргатган Зотдир.
У инсонга билмаган нарсаларини ўргатди.
Албатта, инсон туғёнга кетади.
Бунга сабаб ўзини бой деб санашидир.
Эй инсон, албатта, қайтишинг Роббинг ҳузуригадир.
Эй инсон, намоздан тўсаётган кимсани кўрдингми?
Бандани намоз ўқиётганида?!
Айтинг-чи, агар у намоз ўқувчи ўзи тўғри йўлда бўлса.
Ёки ўзгаларни Аллоҳдан қўрқишга буюрса?!
Айтинг-чи, агар у намоздан тўсувчи кимса ҳақни инкор қилса ва у иймон келтиришдан юз ўгирса.
Албатта, Аллоҳ унинг бу қилмишларини кўриб туришини билмайдими?!
Йўқ! Қасам бўлсинки, агар у бу йўлидан қайтмаса, албатта, Биз унинг пешона сочидан тутамиз.
Ўша ёлғончи, хатокор кимсанинг пешона сочидан тутиб жаҳаннамга ташлаймиз!
Бас, у ўзининг жамоасини ёрдамга чақираверсин!
Биз эса азоб фаришталарини чақирамиз!
Йўқ! Эй Муҳаммад, сиз унга итоат қилманг ва ёлғиз Аллоҳга сажда қилиб, Унга яқин бўлинг!