Layl сураси

Ёришиб келаётган кундузга қасам бўлсин.

Эркак ва аёлни яратган Зотга қасам бўлсин.

Албатта, сизларнинг саъй-ҳаракатларингиз турличадир!

Бас, кимки закот ва садақотларни берса ва Аллоҳдан қўрқса,

Ҳамда гўзал оқибатни тасдиқ қилса,

Бас, унга осон йўлни муяссар қиламиз.

Аммо кимки бахиллик қилса ва ўзини беҳожат санаса,

Ҳамда гўзал оқибатни ‎ ёлғонга чиқарса,

У қулаган вақтида бойлиги унга фойда бермайди.

Албатта, ҳидоятга йўллаш фақат Бизнинг зиммамиздадир.

Ҳақиқатан, охират ҳам, дунё ҳам ёлғиз Бизникидир.

Сизларни ловуллаб ёнувчи дўзах ҳақида огоҳлантирдим.

Унга фақат бахтсиз одам кириб, куяди.

У динни ёлғонга чиқарган ва ҳақдан юз ўгирган эди.

Албатта тақволи киши ундан узоқлаштирилади.

У мол мулкини яхшилик йўлида бериб нафсини поклайди.

Бирор кишининг унда эвазига мукофотланиши керак бўлган яхшилиги йўқдир.

У фақат энг олий Зот бўлмиш Роббисининг розилигини истаб эҳсон қилади.

У яқинда бериладиган мукофотдан рози бўлади.