83:1
Ўлчов ва тарозидан уриб қолувчи кимсалар ҳолига вой бўлсин!
Mutoffifun сураси
Makkaда нозил бўлган.
30-жуз,83-сура,36 оятдан иборат1447 йил 17 зулҳижжа|2026 йил 3 июн, чоршанба
Makkaда нозил бўлган.
30-жуз,83-сура,36 оятдан иборатРаҳмон ва Раҳим бўлган Аллоҳ номи билан бошлайман.
Ўлчов ва тарозидан уриб қолувчи кимсалар ҳолига вой бўлсин!
Улар одамлардан бирор нарсани ўлчаб олган вақтларида тўлиқ қилиб оладилар.
Агар уларга ўлчаб ёки тортиб берган вақтларида эса камайтириб берадиган кимсалардир.
Улар қайта тирилувчи эканликларини ўйламайдиларми?!
Улуғ кун бўлган қиёматда.
Одамлар барча оламлар Роббиси ҳузурида тик турадиган кунда!
Йўқ! Албатта, фожирларнинг номаи аъмоллари, аниқ, Сижжийнда бўлади.
Эй Муҳаммад, Сижжийн нима эканини сизга нима билдирди?
У битилган китобдир.
У кунда ёлғонга чиқарувчиларнинг ҳолига вой!
Улар жазо кунини ёлғонга чиқарадиган кимсалардир.
У кунни тажовузкор ва гуноҳга ботган кимса ёлғонга чиқаради.
Қачонки, ундай кимсага оятларимиз тиловат қилинса, у: “Бу аввалгиларнинг афсоналари”, – дер эди.
Йўқ, ундай эмас! Балки, уларнинг қилган касблари қалбларига моғор бўлиб ўрнашиб қолган.
Шубҳа йўқки, улар ўша қиёмат кунида Роббилари дийдоридан тўсилгандирлар.
Сўнгра, албатта, улар дўзахга кириб, куювчилардир.
Сўнгра уларга: “Мана шу сизлар ёлғон деб юрган нарсадир”, – дейилади.
Дарҳақиқат, яхшиларнинг номаи аъмоллари, албатта, Иллийюндадир.
Эй Муҳаммад, Иллиййун нима эканини сизга нима билдирди?!
У битилган китобдир.
Унга Аллоҳга яқин фаришталар гувоҳ бўладилар.
Албатта, яхшилар жаннат неъматлари ичидадирлар.
Улар сўриларда, неъматларга назар соладилар.
Уларнинг чеҳраларидан неъматларнинг тароватини танийсиз.
Улар жаннатда муҳрланган пок майдан ичириладилар.
у майнинг муҳри мушкдир. Бас, мусобақа қилувчилар мана шундай мангу неъматга етишиш йўлида мусобақа қилсинлар!
У майнинг аралашмаси таснимдандир.
Тасним – Аллоҳга яқин бандалар ичадиган бир чашмадир.
Дарвоқе, жиноят қилганлар иймон келтирган зотлар устидан масхара қилиб кулар эдилар.
Қачонки, уларнинг олдидан ўтсалар, бир-бирларига масхаралаб кўз қисардилар.
Қачонки, аҳллари олдига қайтсалар, қилмишларидан завқланиб қайтардилар.
Қачонки, уларни кўрсалар: “Ана улар, шубҳасиз, йўлдан озган кимсалардир”, – дер эдилар.
Ҳолбуки, улар мўминларнинг устига қўриқчи қилиб юборилган эмасдилар.
Энди бугун иймон келтирганлар кофирларнинг устидан куладилар.
Улар жаннатдаги сўриларда кофирлар ҳолига назар солиб ўтирадилар.
Кофирлар қилмишларининг жазосини олдиларми?!