ب خ س

بَخْس сўзи — бирор нарсани зулм йўли билан камайтириш/кам қилишдир. Аллоҳ буюради: وَهُمْ فِيهَا لاَ يَبْخَسُونَ Улар унда ҳеч қандай мукофотдан зиён кўрмайдилар (11/Ҳуд 15); وَلاَ تَبْخَسُوا النَّاسَ أَشْيَاءَهُمْ Одамларнинг ашёларини уриб қолманглар.(7/Аъроф 85)
بَخْس وَ بَاخِس сўзлари енгил ва кам бўлган нарса деганидир. Аллоҳ таолонинг: وَشَرَوْهُ بِثَمَنٍ بَخْسٍ Юсуфни арзимас баҳога,…сотиб юбордилар (12/Юсуф 20) сўзининг маъноси эса, дейиладики, уни باَخِسْ пулга, яъни: паст баҳога сотдилар; яна дейиладики, مَبْخُوس яъни: бир қисми ўғирланган пулга сотдилар деганидир.
تَبَاخَسُوا феъли эса, бир-бирига ўзаро кам пул бердилар, шу тариқа ўзаро бир-бирларини алдадилар, деганидир.