ع و ذ

عَوْذ : Бошқа кишига илтижо қилиш ва унга боғланишдир. عَاذَ فُلاَنٌ بِفُلاَنٍ /Фалон киши фалон кишидан паноҳ сўради, дейилади. Қуйидаги оятлар шу маънодадир: أَعُوذُ بِاللَّهِ أَنْ أَكُونَ مِنَ الْجَاهِلِينَ : Жоҳил кимсалардан бўлиб қолишимдан Аллоҳдан паноҳ сўрайман (2/Бақара 67); وَإِنِّي عُذْتُ بِرَبِّي وَرَبِّكُمْ أَنْ تَرْجُمُونِ : Мен, мени тошбўрон қилиб ўлдиришингиздан, менинг ҳам Роббим, сизнинг ҳам Роббингиз бўлган Аллоҳдан паноҳ сўрадим (44/Духон 20); قُلْ أَعُوذُ بِرَبِّ الْفَلَقِ : Айт: тонг ёритувчи Роббдан паноҳ сўрайман (113/Фалақ 1); قَالَتْ إِنِّي أَعُوذُ بِالرَّحْمَنِ مِنْكَ : Раҳмонга сендан паноҳ сўрайман, деди (19/Марям 18). أَعَذْتُهُ بِاللهِ أُعِيذُهُ [Уни Аллоҳ паноҳига топширдим, топшираман]. وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ : Мен уни ҳам, зурриётини ҳам қувилган шайтондан сенга топшираман (3/Оли Имрон 36); مَعَاذَ اللَّهِ : Аллоҳ сақласин! (12/Юсуф 79); яъни, буни қилишдан Аллоҳдан паноҳ сўраймиз ва У Зотдан ёрдам тилаймиз. Чунки бу — биз қилишдан сақланадиган бир ёмонликдир.
عُوذَة : Бирор нарсадан унинг ёрдамида сақланиладиган нарсадир. Шу маънодан тумор ва афсунга عُوذَة дейилган. عَوَّذَهُ : Уни ҳимоя қилди. Туққан ҳар бир урғочи етти кунгача عَائِذ деб аталади.