و ب ل

وَبْل وَابِل : Йирик томчили жала ёмғир деганидир. Аллоҳ таоло буюради: فَأَصَابَهُ وَابِلٌ Унга кучли бир жала етганда (2/Бақара 264); كَمَثَلِ جَنَّةٍ بِرَبْوَةٍ أَصَابَهَا وَابِلٌ Унинг мисоли тепаликдаги боққа ўхшайди, унга жала ёққан (2/Бақара 265).
Оғирлик маъноси эътиборга олиниб, зараридан қўрқиладиган нарсага وَباَل деб ном берилган. Аллоҳ буюради: فَذَاقُوا وَبَالَ أَمْرِهِمْ Шундай қилиб, қилмишларининг зиёнини тотдилар (64/Тағобун 5).
طََعَامٌ وَبِيلٌ Хавфли таом; وَكَلأٌ وَبِيل хавфли ўт каби иборалар зараридан қўрқиладиган таомлар учун ишлатилади. Аллоҳ буюради: َفَأخَذْنَاهُ َأخْذًا وَبِيلاً Биз ҳам уни қаттиқ тутиш билан ушладик (73/Муззаммил 16).