ع ي ش

عَيْش : жонзотларга хос ҳаёт. Бу тушунча حَيَاة тушунчасидан торроқ маънога эга. Чунки حَيَاة ; ҳам тирик мавжудотлар, ҳам Аллоҳ таоло, ҳам фаришталар учун ишлатилади. عَيْش сўзидан, у билан яшаладиган нарса маъносида مَعِيشَة сўзи ҳосил бўлган.
Аллоҳ буюради: نَحْنُ قَسَمْنَا بَيْنَهُمْ مَعِيشَتَهُمْ فِي الْحَيَاةِ الدُّنْيَا : Дунё ҳаётида уларнинг маишатларини Биз тақсимладик (43/Зухруф 32); وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا : Ким Мени эслашдан юз ўгирса, унинг учун ҳам тор бир маишат бордир (20/Тоҳо 124); وَلَقَدْ مَكَّنَّاكُمْ فِي الْأَرْضِ وَجَعَلْنَا لَكُمْ فِيهَا مَعَايِشَ : Сизларни ер юзига жойлаштирдик ва у ерда сизлар учун тирикчилик манбалари яратдик (7/Аъроф 10); وَجَعَلْنَا لَكُمْ فِيهَا مَعَايِشَ وَمَنْ لَسْتُمْ لَهُ بِرَازِقِينَ : У ерда сиз учун ҳам, сиз ризқ билан таъминлай олмайдиган кимсалар учун ҳам тирикчилик манбалари вужудга келтирдик (15/Ҳижр 20).
Жаннат аҳли ҳақида ҳам Аллоҳ буюради: فَهُوَ فِي عِيشَةٍ رَاضِيَةٍ : У хуш бир ҳаёт ичидадир (101/Қориъа 7). Пайғамбар (сав) эса шундай буюрадилар: لاَ عَيْشَ إِلاَّ عَيْشُ اْلآَخِرَةِ : Охират ҳаётидан бошқа ҳеч бир ҳаёт йўқдир.