ع س ر

عُسْر (Қийинчилик): يُسْر (Осонлик)нинг зиддидир. Аллоҳ буюради: فَإِنَّ مَعَ الْعُسْرِ يُسْرًا * إِنَّ مَعَ الْعُسْرِ يُسْرًا : Албатта, қийинчилик билан бирга бир осонлик бордир * Шубҳасиз, қийинчилик билан бирга бир осонлик бордир (94/Шарҳ 5-6). عُسْرَة : Мол топишнинг қийинлиги / Танглик. Аллоҳ буюради: لَقَدْ تَابَ اللَّهُ عَلَى النَّبِيِّ وَالْمُهَاجِرِينَ وَالْأَنْصَارِ الَّذِينَ اتَّبَعُوهُ فِي سَاعَةِ الْعُسْرَةِ : Дарҳақиқат, Аллоҳ пайғамбарнинг ва қийинчилик онида унга эргашган муҳожир ва ансорларнинг тавбаларини қабул қилди (9/Тавба 117); وَإِنْ كَانَ ذُو عُسْرَةٍ فَنَظِرَةٌ إِلَى مَيْسَرَةٍ : Агар қарздор танглик ичида бўлса, шароити яхшилангунча унга муҳлат беринглар (2/Бақара 280).
أَعْسَرَ فُلاَنٌ сўзи, أَضَاقَ فُلاَنٌ (Фалончи танг аҳволга тушди / камбағал бўлиб қолди) сўзи кабидир. تَعَاسَرَ الْقَوْمُ : Қавм ишнинг қийинлаштирилишини истади. وَإِنْ تَعَاسَرْتُمْ فَسَتُرْضِعُ لَهُ أُخْرَى : Агар қийинчиликка учрасангиз; боласини бошқа бир аёл эмизади (65/Талоқ 6). يَوْمٌ عَسِيرٌ : Ишнинг қийинлашган куни. Аллоҳ буюради: وَكَانَ يَوْمًا عَلَى الْكَافِرِينَ عَسِيرًا : Қиёмат куни кофирлар учун жуда қийин бир кундир (25/Фурқон 26); فَذَلِكَ يَوْمَئِذٍ يَوْمٌ عَسِيرٌ * عَلَى الْكَافِرِينَ غَيْرُ يَسِيرٍ : Ўша кун қийин бир кундир * Кофирлар учун ҳеч ҳам осон эмасдир (74/Муддассир 9-10). عَسَّرَنِي الرَّجُلُ : Киши танглик онида мендан бир нарса истади.