س د س

سُدُس : Олтидан бирдир: فَلأُمِّهِ السُّدُسُ : Онасининг улуши олтидан бирдир (4/Нисо 11). سِدْس : Сувсиз қолдириш билан боғлиқдир [туяларни беш кун сувсиз қолдириб, олтинчи куни сув ичишга олиб борилишидир]. سِتّ нинг асли سِدْس дир. سَدَسْتُ الْقَوْمَ : Жамоанинг олтинчиси бўлдим. أَخَذْتُ سُدُسَ أَمْوَالِهِمْ : Уларнинг молларининг олтидан бирини олдим. جَاءَ سَادِسًا وَسَاتًّا وَسَادِيًا : Олтинчи бўлиб келди, деган турли шаклларнинг маъноси бирдир.
وَلاَ خَمْسَةٍ إِلاَّ هُوَ سَادِسُهُمْ : Беш киши махфий сўзлашса, албатта, олтинчилари У Зотдир (58/Мужодала 7); وَيَقُولُونَ خَمْسَةٌ سَادِسُهُمْ كَلْبُهُمْ : "Улар беш киши эдилар, олтинчилари итлари эди” дейишади (18/Каҳф 22). لاَ أَفْعَلُ كَذَا سَدِيسَ عُجَيْسَ : Буни ҳеч қачон қилмайман. سُدُوس : Тайласон ёпинчиғидир. سُنْدُس : Ингичка ипакдир, إِسْتَبْرَق эса қалин ипакдир.