ع ك ف

عُكُوف : Бирор нарсага ҳурмат билан юзланиб, унга боғланишдир. Шариатда اِعْتِكَاف : Аллоҳга яқинлашиш мақсадида масжидга берилиб ўтиришдир. عَكَفْتُهُ عَلَى كَذَا : Уни фалон нарсага банд этиб қўйдим. Шунинг учун Аллоҳ буюради: سَوَاءً الْعَاكِفُ فِيهِ وَالْبَادِ ...: Берилиб ўтирувчи/Маҳаллий ва йўловчи барча инсонлар учун баробар қилинган (22/Ҳаж 25); وَعَهِدْنَا إِلَى إِبْرَاهِيمَ وَإِسْمَاعِيلَ أَنْ طَهِّرَا بَيْتِيَ لِلطَّائِفِينَ وَالْعَاكِفِينَ وَالرُّكَّعِ السُّجُودِ : Иброҳим ва Исмоилга: тавоф қилувчилар, ибодатга берилувчилар, руку ва сажда қилувчилар учун Уйимни покиза тутинглар, деб амр қилган эдик (2/Бақара 125); قَالُوا نَعْبُدُ أَصْنَامًا فَنَظَلُّ لَهَا عَاكِفِينَ : Улар: санамларга ибодат қиляпмиз ва уларга берилиб турибмиз, деган эдилар (26/Шуъаро 71); وَجَاوَزْنَا بِبَنِي إِسْرَائِيلَ الْبَحْرَ فَأَتَوْا عَلَى قَوْمٍ يَعْكُفُونَ عَلَى أَصْنَامٍ لَهُمْ : Бани Исроилни денгиздан ўтказдик. Ўз бутлари олдида бел букиб эгилаётган бир қавмга дуч келдилар (7/Аъроф 138); وَانْظُرْ إِلَى إِلَهِكَ الَّذِي ظَلْتَ عَلَيْهِ عَاكِفًا لَنُحَرِّقَنَّهُ ثُمَّ لَنَنْسِفَنَّهُ فِي الْيَمِّ نَسْفًا : Устига берилган/олдида эгилган илоҳингга бир қара; Биз уни, албатта, ёндирамиз, сўнгра майда-майда қилиб денгизга сочиб юборамиз (20/Тоҳо 97); وَلَا تُبَاشِرُوهُنَّ وَأَنْتُمْ عَاكِفُونَ فِي الْمَسَاجِدِ : Масжидларда ибодатга берилиб ўтирган пайтларингизда хотинларингиз билан қўшилманглар (2/Бақара 187); هُمُ الَّذِينَ كَفَرُوا وَصَدُّوكُمْ عَنِ الْمَسْجِدِ الْحَرَامِ وَالْهَدْيَ مَعْكُوفًا أَنْ يَبْلُغَ مَحِلَّهُ : Улар куфр келтирган ва сизнинг Масжид ул-Ҳаромни зиёрат қилишингизни ҳамда ушланган қурбонликларнинг ўз жойига етишини ман қилган кимсалардир (48/Фатҳ 25); яъни ушланган, ман қилинган қурбонликларнинг.