ح ذ ر

حَذَر : Ўзи қўрққан нарсадан сақланишдир. Феъли: حَذِرَ حَذَرًا ва حَذِرْتُهُ шаклидадир. Аллоҳ буюради: يَحْذَرُ الآخِرَةَ Охиратдан қўрқадиган (39/Зумар 9); إِنَّا لَجَمِيعٌ حَاذِرُونَ Биз, албатта, ҳушёр жамоамиз (26/Шуъаро 56); оятдаги бу ўзакдан келган сўз حَذِرُونَ ва حَاذِرُونَ шаклида ўқилган. Аллоҳ таоло яна буюради: يُحَذِّرُكُمُ اللّهُ نَفْسَهُ Аллоҳ сизларни Ўзидан огоҳлантиради (3/Оли Имрон 28); خُذُوا حِذْرَكُمْ Жанг анжомларингизни олинглар (4/Нисо 71); яъни: ичида қурол ва шунга ўхшашлар бўлган, ўзини сақлашга хизмат қиладиган нарсалар.
هُمُ الْعَدُوُّ فَاحْذَرْهُمْ Улар душмандир; улардан эҳтиёт бўл (63/Мунофиқун 4); إِنَّ مِنْ أزْوَاجِكُمْ وَ أوْلاَدِكُمْ عَدُوّاً لَكُمْ فَاحْذَرُوهُمْ Хотинларингиз ва фарзандларингиздан сизларга душман бордир; улардан эҳтиёт бўлинглар (64/Тағобун 14).
حَذَارِ : Эҳтиёт бўл деганидир. Худди, مَناَعِ феълининг, ман эт (қилма) маъносини англатгани каби.