Buruj сураси

1.Буржлар эгаси бўлган осмонга қасам бўлсин.

2.Ваъда қилинган қиёмат кунига қасам бўлсин.

3.Ўша кунда гувоҳ ва гувоҳлик берилувчига қасам бўлсин.

4.Чоҳ эгаларига лаънат бўлсин!

5.Қайсики, у ёқилғили кўп олов эди.

6.Ўшанда у кофирлар ўша чоҳнинг устида ўтирган эдилар

7.Улар мўминларга қилаётган ишларига ўзлари гувоҳ эдилар.

8.Улар мўминлардан фақат иззатли ва мақталган Аллоҳга иймон келтирганлари учунгина ўч олдилар.

9.Осмонлар ва Ернинг ҳукмронлиги Уникидир ва Аллоҳ барча нарсага гувоҳдир.

10.Албатта, мўмин ва мўминаларни фитнага солиб, сўнгра тавба қилмаган кимсаларга жаҳаннам азоби ва улар учун ёниш азоби бордир.

11.Албатта, иймон келтирган ва солиҳ амалларни қилган кимсаларга тагидан анҳорлар оқиб турадиган жаннатлар бордир. Бу эса катта ютуқдир.

12.Эй Муҳаммад, шубҳасиз, Роббингизнинг азобга тутиши қаттиқдир.

13.Албатта, Унинг Ўзи бошлайди ва қайтаради.

14.У мўминларга нисбатан кечиримли ва дўстдир.

15.Арш Эгаси ва қадри улуғдир.

16.Истаган нарсасини амалга оширувчидир.

17.Эй Муҳаммад, сизга лашкарларнинг хабари келдими?

18.Фиръавн ва Самуд лашкарларининг хабари.

19.Йўқ! Куфр келтирган кимсалар ҳақни доимо ёлғонга чиқаришда оёқ тираб турадилар.

20.Ҳолбуки, Аллоҳ уларнинг ортидан барча нарсани билиб иҳота қилиб турувчидир.

21.Йўқ! Балки, у улуғ Қуръондир.

22.Унинг асл манбаи Лавҳ ул-Маҳфуздадир.